Daniel 9:6 - O Debleskro Drom 2021 (Sinte)

⁶ Un mer shunam witar gar ap tire budepangre, kol rakepangre, kai rakran tuke ap mare rajende, pralstunende, phurende un ap mare tsele menshende.

O Debleskro Lab 2024 (Sinte-Manouche)

⁶ Oun mer shounam vitar gar ap tire boudepangre, kol rakepangre, kay rakran touke ap mare rayende, pralstunende, phourende oun ap mare tsele menshende.

Daniel 9:6 ပူးပေါင်းရင်းမြစ်များ

2. Rajengro liil 18:12

Kowa lauter was pral i Israelitarja doleske, kai jon gar shunan ap i laba lengro baro Deblestar, un rikran pen gar ap kowa, hoi job lentsa win kras; un ap halauter, hoi o Mose, o baro Debleskro budepaskro lenge penas, jon shunan gar koi pre, un djiwan gar koi pal.

2. Familjakro liil 33:10

Ninna te das o baro Dewel o Manasse trad un i menshen an leskro them, dan jon gar garda koi pre.

Esra 9:7

Ko tsirestar, kai mare phure djiwan, bis ap kau diwes anam mer bud doosh ap mende, un dran maro djunglepen dal men, mare rajen un rashajen an i wawar rajengre wasta, kai an i themma trul mende djiwenn. O chareha maran le men, an o stilepen witsran le men, un jon tchoran men win, un anan ladj ap mende, jaake har ninna kau diwes hi.

Nehemia 9:30

Un tut his jaake bud latchepen lenge kol tsele bersha. Un dal len trad kol labentsa, hoi tire rakepangre lenge penan, kai an lende tiro ducho hi. Jon shunan gar koi pre. Kote dal len tu an o wast kol menshendar dran wawar themma.

Nehemia 9:32

Maro Dewel, har baro hal tu, jaake sorelo, te daras mer tutar. Tu pandal tiro dji ap mende, un rikreh tiro lab, hoi dal tut sowel. Kanna mangah tut, ma biste koi tseli bibacht, hoi pral mende was, pral mare bare rajende un mare pralstunende, pral i rashajende un o Debleskre rakepangre, pral mare phurende un men lauterende, an ko tselo tsiro, har wan i bare raja dran o them Assur pral mende bis ap kau diwes.

Nehemia 9:34

Mare bare raja un pralstune, mare rashaja un phure, kolla djan gar ap tiro drom, un shunan gar tire laba, hoi sikrenn, har te djiwenn le.

Jeremia 29:19

Kowa well pral lende doleske, kai shunan le gar ap kol laba, hoi mire rakepangre lenge pale te pale penan. Jon kaman gar te shunell, penell o baro Dewel.

Jeremia 44:16

Kol laba hoi tu menge an o baro Debleskro lab peneh, ap kolende kamah mer gar te shunell.

Jeremia 7:13

Tumer kran ninna lauter sawo koowa, penell o baro Dewel. Un me rakrom pale te pale tumentsa, un tumer kaman gar te shunell. Un me dom tumen gole, un tumer penan koi pre tchi.

Jeremia 7:24

Jon shunan gar ap mande, un lengre kanda pandan le, un djiwan pal lengro shero, un kran hoi lengro tchilatcho dji penella, un sikran mande pengro dumo, un gar pengro mui.

Daniel 9:10

un shunam gar ap kowa, hoi tu, maro baro Dewel, menge penal, un djam gar ap tiro drom, hoi sikran men tire rakepangre, kai tuke budran un menge tire laba penan.

Daniel 9:9

Maro rai un Dewel, tut hi i baro dji un hal kowa, kai lell i doosh krik. Mer mukam tiro drom,

Mateo 23:37

Tumer menshe an o foro Jerusalem! Tumer maran o Debleskre rakepangren, un dan kolen i barrentsa mulo, kai o Dewel pash tumende bitchras. Bud kope kamom tumen pash mande te lell, te dap garda ap tumende, har i kachni ap peskre terne garda della, un lell len tel peskre phora. Un tumer kaman gar.

Bičepangre 13:27

Kolla, kai djiwenn an o foro Jerusalem, un lengre pralstune haiwan gar, koon o Jesus hi. Jon haiwan witar gar kol laba, hoi o Debleskre rakepangre pral leste penan, ninna te wenn kal laba hako Debleskro diwes an i biboldengre kangria drawedo. Har jon o Jesuses ap o trushel dan, kran jon kowa, hoi o Debleskre rakepangre glan i rah tsiro penan.