Daniel 9:26 - O Debleskro Drom 2021 (Sinte)

²⁶ Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

O Debleskro Lab 2024 (Sinte-Manouche)

²⁶ Oun pal kol efta kope 62 (shob-deesh-te-douy) bersha vell ko ray maredo, kay o Deblestar bičedo vas. Oun kek his ap leskri rig tardo. Oun palle venna lourde yek rayestar, kay gomme vella, oun denn o fores oun o Debleskro kheer paash. Oun yon djan tele har an i baro pani. Oun yaake rah har i phoub gomme koy hi, ačell kourepen oun marepen. Kova hi i vi-kerdo koova.

Daniel 9:26 ပူးပေါင်းရင်းမြစ်များ

2. Samuel 21:5

Penan le ap leste: “Ko mursh, kai maras men, un kai kamas te atchell mendar kek djido an o tselo Israel,

Debleskri gili 22:15

Miri soor hi win tchoredo har pani, mire tsele kokale rikrenn buder gar khetne, Miro dji nashras peskri soor, har i momeli hoi tele chatchras.

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 28:22

Kanna, ma san buder pral mire laba, te wenn i shelle trul tumende gar gomme sorleder khetne pandlo. O baro Dewel, ko rai pral o bolepen un i phub, mukas man te djinell, te las lo pes glan, te well o merepen pral o tselo them.

Jesaja 53:8

Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

Jesaja 8:7

Doleske mukell o Dewel o baro rajes dran Assur pral lende te well. Leskre bud sorele lurde wenna har o baro sorelo pani o panjestar Eufrat, hoi djal diwjes pral peskre rigja un tchakrell i phub koi trujel.

Jeremia 46:7

Koon hi kowa, kai hadas pes, har ko pani, hoi kharell Nil, un hoi nashell pral peskre rigja, un tchakrell lauter tel peste?

Jeremia 51:42

I baro pani was pral o foro Babilon, sorele panja tchakran o foro tel pende.

Daniel 11:10

Un leskre tchawe djan an o kurepen, un anenn bud bud lurden khetne. Un jek lendar well har i sorelo pani pral o them, un djal kau kopo glan bis pash o sorelo foro o wawar baro rajestar.

Daniel 11:17

Un job kamell ninna o tselo them Egiptia an peskro wast te lell. Doleske rakrell lo pes o baro rajeha pral o them Egiptia tele, un dell les peskri tcha, te well li leskri romni. Kowa krell lo, te anell lo nai koleskro them an i bibacht. Kowa djal leske gar, un well gar jaake har job kamell.

Daniel 11:22

Un kol lurde, kai har bare panja ap leste djan, thowell lo pestar tele, har te wans le tchi. Un ninna marell lo i rajes, kai hi o pralstuno pral o Debleskre menshende.

Daniel 11:36

Un ko baro rai krell, hoi job kamell. Job hadell pes un patsell, te hi lo bareder har hako dewel. Ninna pral o pralstuno Debleste rakrell lo sawo koowa, hoi nai rakrell kek win. Un kowa krell lo jek tsireske, un djal leske mishto, bis te well o Debleskri choli pral leste. Palle krell o Dewel, hoi las lo pes glan.

Daniel 9:27

Un job krell pes budentsa khetne efta bershenge. Pal triin-te-paash bersha krell lo, te well o Debleske buder kek viecho anlo, witar kek chapen. Un i djungeli tchilatchi figura well pre-tchiddo an o Debleskro kheer un atchell koi, bis te well i phagi pral koleste, kai tchiwas les koi, – i phagi, hoi o Dewel leske glan dikas.

Hosea 1:9

Un o Dewel penas: De les ko lab Lo-Ammi! I menshe an Israel hi gar mire menshe, un me hom gar lengro Dewel.

Amos 8:8

Doleske krau, te trissell i phub, un hakeno an o them trashell. O tselo them hadell pes un djal pale tele har o lengsto pani Nil an o them Egiptia.

Amos 9:5

O baro Dewel, ko rai pral o bolepen un i phub hi kowa, kai taprell i phub, te trissell li, un hadell pes un djal pale tele har o lengsto pani Nil an Egiptia. Un i menshe rowenn pral kolende, kai meran.

Nahum 1:8

I baro sorelo panjeha khossell lo o foro krik kolendar, kai hadan pen pral leste. Un an i kali rat tradell lo len.

Mateo 22:2

“Te dell o Dewel i menshen gole, te wenn le pash leste, hi kowa jaake har pash i baro rajeste, kai kras peskro tchaweske i bari bijab.

Mateo 22:7

O baro rajes tapras i bari choli, un job bitchras peskre lurden, te marenn le kol marepangren, un te chatchrenn le lengro foro.

Mateo 23:38

Doleske mukell o Dewel peskro kheer pash tumende un djiwell buder gar koi.

Mateo 24:2

Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”

Markus 13:2

Penas o Jesus ap leste: “Kal bare khera, hoi tu dikeh, djan paash. Kek bar atchell ap o wawareste!”

Markus 13:7

An ko tsiro hi kurepen an kol themma, kai hi dur tumendar un ninna an kol themma, kai hi gar dur tumendar. Tumer te shunenn kowa, ma trashenn! Kowa hunte well jaake. Ko tsiro, kai i phub paash djala, well gar jaake sik.

Markus 9:12

Koi penas lo ap lende: “Tchatchepah, o Elija well un anell o Debleskre menshen pale khetne. Hoske hi tchinlo pral o Menshengro Tchaweste, kai hunte wenn bud duka ap leste un kai i menshe rikrenn tchi lestar?

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Louka 21:6

“Ko tsiro wella, kai halauter, hoi tumer kate dikenna, paash djala. Kek bar atchell ap i wawareste.”

Louka 24:26

Kolla penan: O Kristo, ko baro rai, kones o Dewel bitchras, hunte las duka ap peste, te djas lo an peskro railepen.”

Louka 24:46

un penas ap lende: “Jaake hi tchinlo an o Debleskro lab: O Kristo, ko baro rai, kolestar o Dewel penas, te well job, kowa hunte lell duka ap peste, un pal triin diwessa stell lo i mulendar pre.

Johanni 14:30

Man hi buder gar bud tsiro, te rakrap tumentsa. O beng, kai hi o rai pral kai phub, wella. Les hi kek soor pral mande.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

1. Petro 2:21

Job das tumen pash peste gole, te krenn o latchepen, un te rikrenn i duka win. Ninna o Jesus Kristo las tumenge duka ap peste. Job kras kowa, te sikrell lo tumenge, har te djan leske palla.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.