Daniel 9:19 - O Debleskro Drom 2021 (Sinte)

¹⁹ Ach rai, shun! Ach rai, le mari doosh krik! Ach rai, shun un kre tchomone! Kre les sik! Gar menge, tuke kre les, miro Dewel! Tiro foro un tire menshe wenn pal tiro lab kharedo.

O Debleskro Lab 2024 (Sinte-Manouche)

¹⁹ Ah ray, shoun! Ah ray, le mari doosh krik! Ah ray, shoun oun kre čomone! Kre les sik! Gar menge, touke kre les, miro Devel! Tiro foro oun tire menshe venn pal tiro lab kharedo.

Daniel 9:19 ပူးပေါင်းရင်းမြစ်များ

2. Familjakro liil 6:21

Shun miro mangepen un ninna ko mangepen tire menshendar Israel, te denn le gole ap tute kai ap kau kotar phub. Un tu te shuneh les an tiro kheer an o bolepen, palle ab kamles, un le koi doosh mendar krik.

2. Familjakro liil 6:39

palle shun lengro mangepen! An o bolepen, kai tu djiweh, shun ap lende un le lengro koowa an tiro wast! Un biste ko tchilatchepen, hoi jon ap tute kran!

Jesaja 43:7

Halauter te wenn khere, kai miro labeha kharedo wenn, kolen mange krom, te well miro lab baro, kolendar i natsjona krom, hoi miro hi.

Jeremia 14:7

Baro Dewel, mari doosh hi glan mare jaka tardo. Bud kope djam tutar krik, un shunam gar ap tute. Ab pale ap mari rig, te dikell hakeno, har kamlo hal!

Jeremia 14:9

Hoske kreh tu, har te djinals gar, hoi te kress, har te wals i kurepaskro kek sorjah? Tchatchepah, baro Dewel, tu hal pash mende. Mer ham tire menshe. Ma muk men!

Jeremia 25:29

Shunenn, ko foro, hoi pal mande kharedo hi, hi kowa, kai anau i bibacht glanstunes ap leste. Patsenn tumer, kai lenn gar tumari phagi? Na-a! Tumer ninna lenn tumari phagi. Me bitchrau o kurepen pral halauterende, kai djiwenn ap kai phub. Kowa penell o baro Dewel, ko rai pral o bolepen un i phub.

Ezekiel 20:14

Palle krom kowa gar, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:22

Un pale rikrom man pale un krom lenge tchi, te nai rakrenn kol wawar menshe gar djungeles pral mande, glan kolengre jaka mire menshen win anom dran o them Egiptia.

Ezekiel 20:9

Palle krom kowa gar, te nai rakrenn kol wawar menshe gar djungeles pral mande, mank kolende jon his, un glan kolende me penom, te hom o Israeleskro Dewel, un te anap len win dran o them Egiptia.

Ezekiel 36:22

Doleske pen ap o kheer Israel: Kawa penell o baro Dewel, maro rai: Tumer kran, kai was djungeles rakedo pral mande mank i menshende an wawar themma, pash kolende tumer wan. Kowa, hoi kanna krau, krau gar tumenge dran o kheer Israel. Na-a, kowa krau, te well miro latcho lab pale sharedo.

Ezekiel 39:25

Kanna krau, penell o baro Dewel, maro rai, te well lauter pale mishto o Jakobeske, un krau miro dji pre o tselo khereske Israel. Miro tselo djijeha krau, te well buder gar djungeles rakedo pral mande.

Daniel 9:18

Miro Dewel, shun miro mangepen! Kre tire jaka pre un dik i tele-phagede barra ko forestar, hoi pal tiro lab kharedo hi. Glan tute ham tchiddo maro mangepah un dikah gar ap o tchatchepen hoi mer krams, na-a mer dikah ap tute, te kress tu tiro baro dji menge pre.

Amos 7:2

An miro dikepen dikom, har kaman i stepangre o tselo senlepen te chal an o them. Koi penom: “Baro Dewel, maro rai, ma dik ap mari doosh! Har nai well o Jakobeskro kheer pale ap i herja, kai jaake tikno hi.”

4. Mose 14:19

Kanna sike tiro baro latchepen un biste ko djungelo koowa kal menshendar jaake har tu bud kope lengri doosh bistral ap o drom dran o them Egiptia bis kate.”

4. Mose 6:27

Tumer te rakrenn jaake miro lab pral i Israelitarja win, dau me len bacht un soor.”

Louka 11:8

Me penau tumenge: Job stell pre un dell les jaake bud, har ko wawares hunte well. Kowa krell lo gar doleske, kai hi o wawar leskro maal. Kowa krell lo doleske, kai mangas les o wawar jaake bud un mukas gar tele.

Bičepangre 15:17

Kowa krau, te putchenn lauter, kai pral atchan, pal mande. Ninna kolla, kai kek bibolde hi, denn man an-gole. Un jon wenn miro, un wenn mange koi.

Efesarja 1:12

Doleske sharas mer maro baro Debles! I rah tsiro das maro dji pal o Kristeste gole, ko baro rajeste, kolestar o Dewel penas, te well job. Un kanna hi lo kai.

Efesarja 1:6

te sharas mer leskro baro latchepen. Job his jaake latcho ap mende, te das lo peskro kamlo tchawes menge!

Efesarja 3:10

Kanna dikenn i raja un i pralstune an o bolepen, har baro o Debleskro goswepen hi. Kowa dikenn le ap kowa, hoi job i patslenge kras.