Daniel 9:13 - O Debleskro Drom 2021 (Sinte)

¹³ Jaake har an o Moseskro liil tchinlo hi, jaake was ninna koi bari bibacht pral mende. Un mer mangam men gar tele glan tute, maro baro Debleste, un mukam gar maro tchilatcho drom, un dam gar jak ap tiro tchatchepen.

O Debleskro Lab 2024 (Sinte-Manouche)

¹³ Yaake har an o Moseskro liil činlo hi, yaake vas ninna koy bari bibarht pral mende. Oun mer mangam men gar tele glan toute, maro baro Debleste, oun moukam gar maro čilačo drom, oun dam gar yak ap tiro čačepen.

Daniel 9:13 ပူးပေါင်းရင်းမြစ်များ

2. Rajengro liil 22:16

Kawa penell o baro Dewel: “Me anau tchilatchepen pral kau foro un pral i menshende, kai kate djiwenn. Ko tselo koowa, hoi an ko liil tardo hi, un hoi mukas peske o baro rai pral Juda glan te drawerell, anau pral tumende.

Hiob 36:13

Kolla, kai kamenn tchi o Deblestar te djinell, rikrenn pengri choli an lengre djia. Ninna te dell o Dewel len i phagi, denn le gar gole, te well lo lenge ap i rig.

Debleskri gili 119:18

Kre mange i jaka pre, te nai dikap har shukar hi te djap tiro drom.

Debleskri gili 119:27

Muk man te haiwap, hoi tire laba mange kamenn te penell. Jaake te rakrap pral ko baro sorelo koowa, hoi tu kral.

Debleskri gili 119:73

Tire wasta kran man un rikran man. Kre, te haiwap tire laba!

Debleskri gili 85:4

Tu rikral tiri choli pale, un chatchral buder gar i choljatar.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Jesaja 43:22

Jakob, kowa hal gar tu, kai dal pal mande gole. Israel, tu maral tut gar pal mande tele.

Jesaja 64:6

Un koi hi kek, kai tiro lab an-gole dell, kek, kai well pash tute, te rikrell lo pes ap tute. Tchatchepah, tu kameh buder tchi mendar te djinell, un mukeh men tapedo an maro tchilatchepen.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jesaja 9:13

Ap jek diwes las o baro Dewel lendar i pralstunen krik, ninna kol chochene rakepangren, kai penan, kai lengre laba o Deblestar wan. Kowa hi, har te tchinals jek i matchestar o shero un o pori tele, un i rukestar i patria un i telstuno kotar. I phurende un i an-dikle hi o shero. Kol chochene, kai penenn, lengre laba wans o Deblestar, hi o pori.

Jeremia 2:30

Koi tseli phagi, hoi dom tumen, his tchitcheske. Tumer mukan tumen gar te tserdell. Mire rakepangren, kai pash tumende bitchrom, maran tumer. Tumaro charo chas len har i chojedo lewo.

Jeremia 30:14

Tire tsele pirne bistran tut, putchenn buder gar pal tute. Me dom tut dawa, har jekes, koles kamom te marell. Krom miro dji tuke pandlo, har dom tut dawa tiri bari doshake un ko bud tchilatcho koowa, hoi kral.

Jeremia 31:18

Shunom mishto, har o Efrajim rowas: “Baro Dewel, homs har i terno gurum, kai djinas gar, har te tserdell lo. Tu sikral man dawentsa, hoi te krap. An man pale, me kamau pash tute te well. Tu hal miro Dewel.

Jeremia 44:23

Tumer chatchran sungepaskro koowa i bolepaskri rajetsake, un kran, hoi djungeles hi glan o baro Debleskre jaka, un shunan gar ap leste, un djiwan gar pal leskre laba un pal leskro tchatchepen, un kran gar, hoi job tumendar kamas. Doleske was sawi bibacht pral tumende, jaake har kau diwes hi.

Jeremia 44:27

Me dau garda, te well bibacht ap lende un kek bacht: Koon dran o them Juda hi, un an o them Egiptia was, kowa merell o chareha un i bokatar, bis te hi kek lendar buder koi.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Ropaskre gilja 5:21

An men, baro Dewel, pale pash tute, te was pale khere! Kre, te djal menge pale latches har an o phuro tsiro!

Ezekiel 16:43

Tu bistral, hoi tuke krom, har terno hals. Un choiral man ko tselo koweha, hoi kral. Bud djungelo koowa kral, un koi pashel kral wi-ladjedo koowa. Doleske anau kowa lauter, hoi kral, ap tiro shero pale, penell o baro Dewel, maro rai.

Daniel 9:11

Un o tselo Israel djas tiro dromestar tele, un kras, hoi job kamas, un shunas gar ap tute. Un jaake was koi tseli bibacht pral mende, hoi tchinlo hi an o liil o Mosestar, koles tiro tchatcho wast his. Mer kram tchilatchepen ap tute. Doleske was kai bibacht jaake pral mende, har tu tut sowel dal.

Hosea 7:10

I Israelengre pre-phurde djia sikrenn, har bud doosh ap lende hi. Ninna te hi kowa jaake, wenn le gar pale pash mande, lengro baro Debleste, un rodenn man gar.

Hosea 7:14

Te denn le gole ap mande, well kowa gar dran lengro dji. Tchiddo hi le ap pengro tchiben un rowenna soreles, un tchinenn pen ratles, te well len djob un mool. Ap mande shunenn le gar.

Hosea 7:7

Halauter lendar chatchenn i choljatar har i bob. Jon marenn pengre tchatchepaskre rajen. Lengre bare raja perenn jek pal o wawar. Un kek lendar dell pal mande gole.

Louka 24:45

Un palle das lo len goswepen, te haiwenn le o Debleskro lab,

Johanni 10:35

Kolentsa, kai o Dewel rakras, ap kolende penas job debla. Un kowa, hoi an o Debleskro lab tchinlo hi, nai well gar krik lino.

Johanni 6:45

An o Debleskro lab tchinan kol Debleskre rakepangre: O Dewel hi o sikepaskro halauterenge. Hakeno, koon ap o dadeste shunella un krell, hoi job kamella, well pash mande.

Johanni 8:32

Un tumer prindjrenna o tchatchepen. Un o tchatchepen krella, te han buder gar pandlo.”

Efesarja 4:21

Tumer shunan lestar, un djinenna, har job djiwas. Ko drom, hoi job sikras men, hi o tchatcho drom.

5. Mose 29:4

40 (star-deesh) bersha djas lo glan tumende an o mulo tato them: Tumare koola djan gar paash, un tumare kircha ap tumare pire nashan pen gar tele.

Jakobo 1:5

Te djinell jek tumendar gar, hoi o Dewel lestar kamella, palle nai mangell lo o Debles, te sikrell job leste kowa. O Dewel hi latcho, un job dell o djijestar, ninna te weh tu bud kope pash leste.