Daniel 8:13 - O Debleskro Drom 2021 (Sinte)

¹³ Un me shunom i bolepaskres te rakrell. Un i wawar bolepaskro putchas lestar: “Har rah djal kowa, hoi an kau dikepen diklo was? Har rah well o Debleske buder gar kowa dino, hoi leske hako diwes hunte wals? Un har rah well o Debleskro kheer pale-tchiddo kerdo, un ap i bolepangre lurdende trujel stakedo?”

O Debleskro Lab 2024 (Sinte-Manouche)

¹³ Oun me shounom i bolepaskres te rakrell. Oun i vavar bolepaskro poučas lestar: “Har rah djal kova, hoy an kava dikepen diklo vas? Har rah vell o Debleske bouder gar kova dino, hoy leske hako dives hounte vals? Oun har rah vell o Debleskro kheer pale-čiddo kerdo, oun ap i bolepangre lourdende trouyel stakedo?”

Daniel 8:13 ပူးပေါင်းရင်းမြစ်များ

Debleskri gili 74:10

Miro Dewel, har rah mukeh tu len pal tute te sal? Mukeh tu len hako tsiro tiro lab te praassell?

Debleskri gili 74:9

Kek sikepen hi buder kai, hoi men sikrell, te hal tu pash mende. Kek Debleskro rakepaskro hi buder kai. Un kek djinella, har rah kowa jaake atchell.

Debleskri gili 79:5

Baro Dewel, har rah atchell tiri choli ap mende? Har rah chatchrell li har i jag?

Jesaja 28:18

Un kowa, hoi tumer win kran o merepah un o mulengro themeha, well krik lino un hi gar buder. Un i lurde wenn har i baro pani, un stakrenn tumen khetne.

Jesaja 6:11

Un me putchom: “Har rah, rai?” Un job penas: “Bis te buder kek menshe an i forja djiwenn, witar kek mensho an i khera, un ko hachetikri phub har i mulo them was.”

Jesaja 63:18

I tikno tsiro tradan menshe dran wawar themma men, tire menshen, dran maro them. Kolla, kai kuran pen mentsa, stakran tiro kheer khetne, kai tu khere hals.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 12:10

Bud raja dran wawar themma wan, un kran miro drakengro them paash, un stakran miro kotar phub khetne. Dran miro shukar kotar them kran jon i mulo them.

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 12:11

Un ko tsirestar, kai anenn le buder gar hako diwes viechen o Debleske, un kai tchiwenn le koi djungeli tchilatchi figura pre, hi 1.290 (jek-sero-dui-sheel-te-enja-deesh) diwessa.

Daniel 12:8

Un me shunom kowa un haiwom les gar. Un me penom: “Miro rai, har djal lauter win?”

Daniel 4:10

Un har homs gomme tchiddo ap miro tchiben, dikom i bolepaskres, kai was tele dran o bolepen. Kowa las lauter an i jak,

Daniel 4:13

Leskro mensheskro dji well lestar krik lino, un i viecheskro dji well leske dino! Un efta bersha djan jaake pral leste krik!

Daniel 4:23

Kate was penlo, te atchell o telstuno kotar i drabentsa an i phub tchiddo. Kowa kamell te penell, te less tire rajeskre themma pale, te haiwal, te hi o bolepaskro Dewel o rai pral halauter.

Daniel 7:16

Un me djom pash jekeste, kai kote tardo his. Un mangom les, te sikrell lo mande, hoi kowa lauter kamell te penell. Un job rakras mantsa un mukas man te djinell, hoi kowa kamell te penell:

Daniel 7:23

Un kowa, kai kote tardo his, penas mange: “O starto viecho hi i starto tsiro, kai bari rajengri soor ap i phub diklo wella. Koi rajengri soor hi wawartchandes har kolla, kai glan kowa his, un chal i tsele themma pre, stakrell len khetne un dell lauter paash.

Daniel 9:27

Un job krell pes budentsa khetne efta bershenge. Pal triin-te-paash bersha krell lo, te well o Debleske buder kek viecho anlo, witar kek chapen. Un i djungeli tchilatchi figura well pre-tchiddo an o Debleskro kheer un atchell koi, bis te well i phagi pral koleste, kai tchiwas les koi, – i phagi, hoi o Dewel leske glan dikas.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Mateo 24:15

Glan i rah tsiro rakras o Debleskro rakepaskro Daniel pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura an o Debleskro baro kheer tardo,

Markus 13:14

An o Debleskro lab hi tchinlo pral koi djungeli tchilatchi figura. Koon kawa drawerella, kamaus, te haiwell lo les ninna. Ap ko diwes, kai dikenn tumer koi djungeli tchilatchi figura kote tardo, kai hunte well li gar tardo, palle hunte nashenn kolla, kai hi an o them Judea, sik ap i berge!

Louka 10:22

Lauter das miro dad an mire wasta. Un kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell o dades kolende, kai job win rodas.”

Louka 21:20

“Te dikenn tumer, kai bud lurde trul o foro Jerusalem tardo hi, palle djinenn tumer, kai jon ko foro paash krenna.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

5. Mose 33:2

O baro Dewel was un rakras mentsa pash i berga Sinai. Job was jaake har o kham pre djal pral i berge Seir. Mer dikam leskro railepen har hams pash i berga Paran. Khetne leha wan bud serja bolepangre. Ap leskri tchatchi rig his i jag.

1. Tessalonikarja 3:13

Palle wenn tumare djia sorelo un djudjo. Un o Dewel, maro dad, hatsell kek doosh ap tumende ap ko diwes, kai well o Jesus, maro rai, pale lauterentsa, kai leskre hi.

Hebrearja 10:29

Te his kowa jaake koleha, kai kras gar, hoi o Mose penas, kitse sorleder well o Debleskri choli pral koleste, kai o Debleskro tchawes pestar stakrella, un krella, har te wals o Jesus Kristeskro rat tchi moldo. Un kau rat lals peskri doosh krik, un krals les erligo glan o Debleste. O Debleskro Ducho his leske latches, un job dukras les.

1. Petro 1:12

Kol Debleskre rakepangre haiwan, kai kowa gar lenge kokres hi, hoi len o Dewel sikras. Kowa hi tumenge, kai kanna djiwenna. Tumenge was o latcho lab o Jesus Kristestar penlo. Kolla, kai penan les tumenge, rakran kowa, hoi penas lenge o Debleskro Ducho. Koles bitchras o Dewel dran o bolepen. Ninna i bolepangre kamenn o Jesuseskro railepen te dikell.

Judas 1:14

Glan i rah tsiro penas pral lende o Henoch, kowa his o eftato dad pal o Adam: Dikenn, o Dewel, maro rai, well dran o bolepen. Un bud serja bolepangre hi pash leste.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 6:10

Un dan soreles gole un penan: “Baro Dewel un tchatcho rai, ab sik un rake i phagi win pral kolende ap i phub, kai maran men. De len ko tchilatchepen pale, hoi jon ap mende kran!”

Čačepangre 13:18

O bolepaskro o baro Deblestar penas ap leste: “Hoske putcheh tu pal miro lab? Kowa hi i lab, hoi well gar kharedo.”