Daniel 7:21 - O Debleskro Drom 2021 (Sinte)

²¹ Un me dikom, har djas ko shing an o marepen un kuras pes i Debleskre menshentsa, un his sorleder har jon, un das len,

O Debleskro Lab 2024 (Sinte-Manouche)

²¹ Oun me dikom, har djas ko shing an o marepen oun kouras pes i Debleskre menshentsa, oun his zorleder har yon, oun das len,

Daniel 7:21 ပူးပေါင်းရင်းမြစ်များ

Daniel 11:31

Un job bitchrell lurden, kai o Debleskro kheer ap i berga pale-tchiddo krenn, un krenn, te wenn o Debleske buder gar hako diwes vieche anlo. Un jon tchiwenn kote koi djungeli tchilatchi figura pre.

Daniel 12:7

Un me shunom ko murshes, kai an laintikre koola rido his, un pral ko lengsto pani tardo his. Un kowa hadas peskro tchatcho un peskro serwo wast pre ap o bolepen, un das pes sowel pash koleste, koleskro djipen gar pre herella, un penas: “Jek tsiro un dui tsirja un i paash tsiro. Un ap ko tsiro, kai o Debleskre menshe pale khetne djiwenna, un buder gar kate te kote tradedo hi, palle hi kowa lauter kerdo.”

Daniel 7:20

Un ninna kamom te djinell, hoi kol deesh shinga ap leskro shero kamenn te penell, un ko wawar shing, hoi win was, un glan koleste kol triin wawar shinga win peran. Un kau shing his bareder har kol wawar. Un les his jaka un i mui, hoi baro koowa rakras.

Daniel 8:12

Un i bolepangre lurde wan dino an leskro wast. Un kol vieche, hoi o Debleske hako diwes dino hunte wans, wan leske buder gar anlo, jaake te was o Dewel buder gar sharedo. Un ko shing witsras o tchatchepen ap i phub. Un lauter, hoi kras o shing, djas leske mishto.

Daniel 8:24

Un les well bud penepaske, ninna te well leskri soor gar dran leste. Un job anell sawi bari bibacht, te nai patsenn le les gar. Lauter, hoi lell lo an o wast, djal leske mishto. Ninna i sorelen dell lo mulo. Un o Debleskre menshen taprell lo an.

Daniel 8:9

Un dran jek lendar was jek wawar tikno shing win. Kowa was bareder un bareder un sikras ap koi rig, kai o kham pralstunes tardo hi, un palle ap koi rig, kai o kham pre djal, un palle ap koi rig, kai o railo them hi.

Debleskro tsiro 17:14

Un jon kurenn pen ko terno bakreha. Un o terno bakro hi sorleder har jon. Job hi o rai pral i tsele rajende, un o pralstuno pral i tsele pralstunende. Un pash leste hi kolla, kolen job gole das un win rodas, kolla, kai ap leste patsenna.”

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.

Debleskro tsiro 19:19

Un me dikom ko vieches un i rajen ap i phub pengre lurdentsa. Kolla wan khetne, te kurenn le pen koleha, kai ap o grai beshdo hi un leskre lurdentsa.