Daniel 7:20 - O Debleskro Drom 2021 (Sinte)

²⁰ Un ninna kamom te djinell, hoi kol deesh shinga ap leskro shero kamenn te penell, un ko wawar shing, hoi win was, un glan koleste kol triin wawar shinga win peran. Un kau shing his bareder har kol wawar. Un les his jaka un i mui, hoi baro koowa rakras.

O Debleskro Lab 2024 (Sinte-Manouche)

²⁰ Oun ninna kamom te djinell, hoy kol deesh shinga ap leskro shero kamenn te penell, oun ko vavar shing, hoy vin vas, oun glan koleste kol triin vavar shinga vin peran. Oun kava shing his bareder har kol vavar. Oun les his yaka oun i mouy, hoy baro koova rakras.

Daniel 7:20 ပူးပေါင်းရင်းမြစ်များ

Daniel 7:11

Un me dom jak ap ko tikno shing, hoi sawe bare laba kras. Un dikom, kai ko viecho mulo dino was, un leskro mass an i jag witsedo was.

Daniel 7:19

Kanna kamom me budeder te djinell pral ko starto viecho, hoi jaake wawartchandes his har kol wawar, jaake tchilatcho, un koles sasterne danda un naja dran lolo saster his, un trul peste chas. Un kowa hoi pral atchas, stakras lo peskre pirentsa khetne.

Daniel 7:21

Un me dikom, har djas ko shing an o marepen un kuras pes i Debleskre menshentsa, un his sorleder har jon, un das len,

Daniel 7:23

Un kowa, kai kote tardo his, penas mange: “O starto viecho hi i starto tsiro, kai bari rajengri soor ap i phub diklo wella. Koi rajengri soor hi wawartchandes har kolla, kai glan kowa his, un chal i tsele themma pre, stakrell len khetne un dell lauter paash.

Daniel 7:7

Un pal kowa dikom an kau dikepen koi rati i starto vieches, hoi tchilatcheder un diwjeder his har kol wawar. Les his bud soor un sasterne danda, chas trul peste un dandras lauter paash. Un kowa, hoi pral atchas, stakras lo peskre pirentsa tel peste khetne. Un job his wawartchandes har kol wawar vieche, hoi glan leste his. Un les his deesh shinga.

Daniel 7:8

Un har me jaake ap kol deesh shinga jak dom, was i tikno wawar shing pre mashkral kol wawar shinga. Un triin lendar wan glan leste win tserdedo. Ap ko shing his jaka har menshengre jaka, un i mui, hoi baro koowa rakras.

Debleskro tsiro 12:3

Un i wawar baro koowa sikras pes ap o bolepen: I baro lolo sap was. Un les hi efta shere un deesh shinga. Un ap hako shero hi shereskro sonakai.