Daniel 6:7 - O Debleskro Drom 2021 (Sinte)

⁷ Kote nashan kol raja un kol pralstune sik pash o baro rajeste un penan ap leste: “Tu baro rai Darius, te djiwess hako tsireske!

O Debleskro Lab 2024 (Sinte-Manouche)

⁷ Kote nashan kol raya oun kol pralstoune sik pash o baro rayeste oun penan ap leste: “Tou baro ray Darius, te djivess hako tsireske!

Daniel 6:7 ပူးပေါင်းရင်းမြစ်များ

Debleskri gili 10:9

Tchorchanes khatedo har i lewo an i burra, jaake lurell job ap o tchorweleste, un taprell les an peskri netsa un tserdell les krik.

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Debleskri gili 59:3

Le man win dran i wasta kol tchilatchendar, kol menshendar, kai kamenn te dikell, har miro rat nashell.

Debleskri gili 59:5

Ninna te krom me kek tchilatchepen, nashenn le kai, te denn le man mulo. Ste pre! Ab un dik les tuke kokres an!

Debleskri gili 62:4

Har rah djan tumer lauter ap jek mursheste, te denn les mulo? Hom buder tchi har i bango kheer, hoi kamell dren te phagell, un koleskre barra buder gar khetne rikrenna.

Debleskri gili 83:5

“Awenn”, penenn le, “Stakras len khetne, kol Israelitarjen! Kal menshenge hi kek platsa ap kai phub. Ko lab Israel hunte well bistedo!”

Debleskri gili 94:20

Tu tchiwal tut gar khetne kolentsa, kai tchatchepangre mursha hunte wans, un jon djan gar pal o tchatchepen, un penenn ap o chochepen: “Kowa hi o tchatchepen.”

Daniel 2:4

Kote rakran i durkepangre an aramtikes ap leste un penan: “Maro baro rai, te djiwess hako tsiro! Pen tiri suni ap mende, tire budepangre! Un mer kamah tuke te penell, hoi koi suni kamell te penell.”

Daniel 3:11

Un kowa, kai witsrell pes gar glan late tele un mangell lat gar an, kowa hunte well an i bobeskri jag witsedo.’

Daniel 3:2

Un o baro rai Nebukadnezar bitchras murshen win, te anenn le khetne i tsele pralstunen, bare lurden, themeskre rajen, tchatchepangre murshen, lowengre pralstunen, rakepangre, pralstune kliste un lauteren, kai his penepaske pral wawarende. Kolla te wenn pashel, te well koi figura o ersto kopo an-mangedo.

Daniel 3:27

Un i pralstune, i bare lurde, o themeskre raja un wawar pralstune o baro rajestar wan khetne, un dikan penge kol murshen an, un dikan, kai i jag kek soor pral kolende his. Un i balla ap lengre sherja his gar chatchedo. Un lengre baja his gar paash. Un ap lende sungas nai kek i jagakri khand.

Daniel 3:6

Un kowa, kai witsrell pes gar tele un mangell koi figura gar an, kowa well sik lino un an i bobeskri jag witsedo.”

Daniel 6:16

Kote nashan kol mursha pale khetne pash o baro rajeste un penan ap leste: “Tu djineh, baro rai, pash i Medarja un o Persarja hi o tchatchepen jaake, te nai well kek lab pale pale lino, hoi o baro rai mukas te tchinell!”

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Micha 6:5

Tumer mire menshe, mukenn tumenge an o shero te well, hoi kamas o Balak – ko baro rai pral o them Moab – tumenge te krell, un hoi penas leske o Bileam, koleskro dad o Beor his! Mukenn tumenge an o shero te well, har djan tumare phure pral wergel o pani Jordan ap lengro drom dran Shittim dureder an Gilgal. Palle haiwenn tumer, hawo bud latchepen tumenge krom.

Nahum 2:12

Hoi was kanna dran o foro Ninive? O foro his har i khatepen, kai o lewo un i lewetsa pengre ternentsa trujel nashan, un kek koi his, kai lenge kote nai daar krals.

Mateo 12:14

Koi djan i Farisarja win, un rakran khetne, har jon les nai marenna.

Mateo 26:4

Un jon rodan i drom, har nai taprans le o Jesuses tchorchanes, te marenn le les.

Markus 15:1

Sik taissarlake wan i bare rashaja un i biboldengre phureder un tchatchepangre khetne i tsele pralstune biboldentsa. Un jon rakran khetne, hoi te krenn le o Jesuseha. Un jon pandan les, anan les pash o Pilateste un dan les an leskre wasta.

Johanni 12:10

Jaake djan bud bibolde pash o Lazareste, un patsan ap o Jesuseste. Doleske rodan kol bare rashaja i drom, har nai marenn jon ninna o Lazares.