Daniel 6:2 - O Debleskro Drom 2021 (Sinte)

² Un an leskre jaka his latcho, te tchiwas lo 120 (sheel-te-biish) pralstunen pral i tsele themma, kai job o rai his.

O Debleskro Lab 2024 (Sinte-Manouche)

² Oun an leskre yaka his lačo, te čivas lo 120 (sheel-te-biish) pralstunen pral i tsele themma, kay yob o ray his.

Daniel 6:2 ပူးပေါင်းရင်းမြစ်များ

Esra 4:22

Denn jak, te krenn kowa sik, te well kek doosh pral maro them, un te nashrap kek lowe.

Ester 7:4

Mer wam bikedo, me un mire menshe, te was mer maredo, jaake te atchell kek mendar djido. Te wams mer kokres bikedo, mursha un djuwja, te was ginle budepangre, kroms miro mui gar pre. Kowa wals gar phares doha, te wap koleha pash o baro rajeste.”

Gosewe laba 26:6

Kowa, kai i dinelo bitchepaskres bitchrell, kowa hi har jek, kai dell peske kokres i herja tele un chal dawa.

Gosewe laba 3:16

An peskro tchatcho wast, rikrell o goswepen i lengsto djipen tuke, peskro serwo wasteha dell lo tut brawlepen un railepen.

Daniel 5:16

Tutar shunom, te nai peneh tu, hoi kowa kamell te penell, un te nai tchakreh tu pre, hoi kek djinell. Haiweh tu kanna kol laba te drawerell, hoi kote tchinlo hi un nai peneh mange, hoi kolla kamenn te penell, palle weh tu rido an rajengre lole koola, un leh koi pashel i sonakaskri werkli trul tiri meen. Un tu weh o triinto pralstuno an miro them.”

Daniel 5:29

Har o Daniel kol laba rakras, penas o Belsazar, te riwenn le les an lole rajengre koola, un tchiwenn leske i sonakaskri werkli trul leskri meen. Un job hadas les, te well lo o triinto pralstuno an o rajeskro them.

Daniel 5:7

Un o baro rai das sorjah gole un penas, te anenn le i drawepangren pash leste, ninna kolen, kai an i bolepangre momlia drawerenn un kolen, kai i mulen putchenn. Un job mukas kol siklenge dran o foro Babilon te penell: “Hakeno, kai nai drawerella, hoi koi tchinlo hi, un mange nai penella, hoi kowa kharella, kowa well rido an rajengre lole koola, un lell koi pashel i sonakaskri werkli trul peskri meen. Un job well o triinto pralstuno an miro them.”

Daniel 6:1

Un o Darius, ko Medari, was o newo baro rai. Un job his 62 (shob-deesh-te-dui) bersha, har was lo baro rai.

Mateo 18:23

Me kamau te sikrap tumende har pash kolende hi, kai djan ap o Debleskro drom. O Dewel an o bolepen hi har i baro rai. Kowa mukell peskre budepangren glan peste te anell, te lell lo lendar kol lowe, hoi jon leske khetne anan dran pengri budi.

Louka 16:2

mukas lo les gole te dell, un penas ap leste: Hoi shunom me pral tute? Sike mande kol lila, hoi dren tchinlo hi, har bud lowe tu dren lal! Tu nai deh buder gar ap miro brawlepen garda!

1. Korintarja 4:2

Un i budepaskro hunte krell peskri budi mishto.

1. Samuel 2:30

Doleske penell o baro Dewel, kai o Israeleskro Dewel hi: Tchatchepah, me penom, te wenn i mursha dran tiro kheer un dran tiro dadeskro kheer hako tsireske rashaja glan mande. Kanna penau, kowa kamau buder gar. Me krau kolen baro, kai man bares krenna. Un kowa, kai ap mande tchi della, ap koleste well witar tchi dino.