Daniel 6:11 - O Debleskro Drom 2021 (Sinte)

¹¹ Un har o Daniel shunas, te was sawo lab tchinlo o baro rajeskro labeha koi tele, djas lo an peskro kheer. Un an peskri pralstuni isema his les walja, ap koi rig, kai o foro Jerusalem hi. Un triin kope an o diwes djas lo tele ap peskre tchanga un mangas peskro Debles an un sharas les. Un kowa kras lo kanna ninna har hako wawar diwes.

O Debleskro Lab 2024 (Sinte-Manouche)

¹¹ Oun har o Daniel shounas, te vas savo lab činlo o baro rayeskro labeha koy tele, djas lo an peskro kheer. Oun an peskri pralstouni isema his les valya, ap koy rig, kay o foro Yerusalem hi. Oun triin kope an o dives djas lo tele ap peskre čanga oun mangas peskro Debles an oun sharas les. Oun kova kras lo kanna ninna har hako vavar dives.

Daniel 6:11 ပူးပေါင်းရင်းမြစ်များ

1. Rajengro liil 8:48

Te wenn le pash tute pale pengro tselo djijeha un lengro tselo djipah, an ko them, kai jon pandle hi, un denn gole ap tute un rissrenn pen koi pashel ap koi rig, kai lengro them hi, kai tu dal lengre phurende, un kai ko foro hi, hoi tu tuke win rodal, un ko kheer, kai me mukom tuke te krell,

Debleskri gili 10:9

Tchorchanes khatedo har i lewo an i burra, jaake lurell job ap o tchorweleste, un taprell les an peskri netsa un tserdell les krik.

Debleskri gili 119:164

Jaake har tu o tchatchepen wi-rakreh, hi kowa mishto. Un me sharau tut koleske efta kope an o diwes.

Debleskri gili 28:2

Shun ap miro ropen! Shun, har ap tute gole dau! Dik ap mire wasta, hoi me pre-hidjrau pash tiro kheer, kai tu hal!

Jeremia 51:50

Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Daniel 6:6

Kote penan kol mursha: “Mer nai rodah gomme jaake bud, mer hatsah tchi, hoi nai anah ap o Danieleste pre. Jek koowa atchell, kai nashte well, te taprams les. Kowa hi leskro patsepen ap leskro Debleste.”