Daniel 5:5 - O Debleskro Drom 2021 (Sinte)

⁵ Ap jek kopo wan gushte diklo har i menshengro wastestar. Un kolla tchinan laba ap i parni massuri, hoi wergel i momelengri hi an o rajeskro kheer. Un o baro rai dikas ko wast, hoi kote tchinell.

O Debleskro Lab 2024 (Sinte-Manouche)

⁵ Ap yek kopo van goushte diklo har i menshengro vastestar. Oun kolla činan laba ap i parni massouri, hoy vergel i momelengri hi an o rayeskro kheer. Oun o baro ray dikas ko vast, hoy kote činell.

Daniel 5:5 ပူးပေါင်းရင်းမြစ်များ

Hiob 20:5

well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Jeremia 50:43

Te shunell o baro rai an Babilon lendar, perenn leskre wasta ap leskre herja tele. Un i bari traash well ap leste har i traash i djuwjatar, kai i ternepen lella.

Daniel 4:31

Un har kol bersha trujel djan, penas o Nebukadnezar: “Me hadom mire jaka pre pash o bolepen. Un me wom pale sasto an miro shero. Un me parkrom man pash o pralstuno Debleste. Les sharom un hadom, kai hako tsiro djiwella. Hako tsiro hi lo o pralstuno. Job hi un atchell o rai.

Daniel 4:33

Ap kau emligo tsiro wom pale sasto an miro shero. Un man was miro railepen un barepen pale dino, un miro brawlepen un miro them wan sharedo. Un i pralstune un kol murshen, kai bud penepaske his, wan pash mande, un tchiwan man pale pral miro them dren. Un miri rajeskri soor was gomme bareder.

Daniel 5:15

Me mukom i siklen un drawepangren glan mande te anell, te drawerenn le kol laba, hoi koi tchinlo hi, un te penenn le mange, hoi kolla kamenn te penell. Un jon haiwan kowa gar.

Daniel 5:4

Koi pashel sharan le i deblen dran sonakai, rup, lolo saster, wawar saster, kasht un bar.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Daniel 5:8

Kote wan i tsele sikle mursha o baro rajestar koi, un kek lendar nai draweras, hoi koi tchinlo hi. Un kek lendar nai penas o baro rajeske, hoi kowa nai kharella.

Kolossarja 2:14

Har kram tchilatcho koowa, his kowa jaake, har te wals mari doosh an i liil tchinlo. Ko liil las lo, un tchiwas les ap o trushel.