Daniel 5:18 - O Debleskro Drom 2021 (Sinte)

¹⁸ Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

O Debleskro Lab 2024 (Sinte-Manouche)

¹⁸ Tou miro ray! O pralstouno Devel das tiro dades Neboukadnezar themma, rayeskri zoor, barepen oun raylepen.

Daniel 5:18 ပူးပေါင်းရင်းမြစ်များ

2. Rajengro liil 25:28

Un o Ewil-Merodach rakras kamles leha, un hadas les pral kol wawar raja, kai pash leste his an o them Babilonia.

Debleskri gili 47:2

Tumer menshe dran i tsele themma, denn an i wasta! Sharenn o Debles un denn leske bachteles gole!

Debleskri gili 7:17

Koi bibacht, hoi kamas lo ap i wawareste te anell, was ap leskro shero pale. Ko tchilatcho koowa, hoi kamas lo i wawareske te krell, peras ap leste pale.

Debleskri gili 9:2

Baro Dewel, me parkrau man pash tute o tselo djijeha, un rakrau pral ko tselo baro koowa, hoi tu kral.

Debleskri gili 92:8

I tchilatche wenn baro har o senlepen. Kolenge, kai tchilatcho koowa krenna, djal mishto. Kowa lauter well, te wenn le krik lino hako tsireske.

Jeremia 25:9

Doleske mukau kol lurden te well dran i themma, kai kote tchiddo hi, kai norden hi. Lengro pralstuno hi o baro rai, o Nebukadnezar, dran o them Babilonia. Koles rodom win, te krell job, hoi kamau. Kolla perenn pral tumende un tumaro them, ninna pral kol tsele themma kai trujel. Kal themma mukau jaake paash te dell, te atchell tchi har barra pral hako tsireske. Un i wawar menshenge, kai kowa dikenn, atchell o rakepen krik i trashatar, un jon denn i wasta pral o shero khetne.

Jeremia 27:5

Miri bari sorjah krom kai phub un i menshen un viechen, kai ap i phub hi. Un me dau len, koneste kamau.

Jeremia 27:7

I menshe dran i tsele themma hunte budrenn leske un leskro tchaweske, un koleskro tchaweske, bis te well ko tsiro, kai nashrell ninna leskro them peskri soor. Un menshe dran wawar bare themma un lengre sorele bare raja wenn i raja pral lende.

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Ezekiel 31:11

Doleske dom me les an o wast o sorleder i tsele rajendar, te djal kowa leha jaake trujel, te krell lo leha pal leskro tchilatchepen. Me witsrom les mandar.

Daniel 4:17

Ko ruk, koles tu dikal, kowa, kai baro un sorelo was, – jaake baro, te djas lo bis ap o bolepen, un koles hakeno nai dikas, kai lo ninna his ap kai phub,

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

Daniel 4:2

His jek rati, har homs tchiddo ap miro tchiben, koi dom suni. Un koja kras mange daar. Awa, kowa, hoi dikom, kras mange bari traash.

Daniel 4:32

Kolla, kai ap i phub djiwenna, hi har tchi glan leste. Un har job kamella, djal job kol pralstunentsa trujel, kai an o bolepen hi, un ninna kolentsa, kai ap i phub djiwenna. Un kek nai penell leske: ‘Kowa hunte kress tu gar!’ Witar kek nai putchell lestar: ‘Hoi kreh tu kate?’

Daniel 4:34

Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

Daniel 5:21

Un job was pale-tchiddo un nai djiwas buder gar mank i menshende. Un leskro dji was har i viecheskro dji. Un job djiwas pash i diwje burike. Un jon dan les khass te chal har i grumjen. Un job tchiwas pes win tele. Un o brishin peras ap leste tele un kras les sapeno, bis ap ko diwes, kai job haiwas, te hi o pralstuno Debles i tsele rajengre themma an peskro wast, un job dell len koleste, koneste job kamell.

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Bičepangre 26:13

Me homs ap o drom, baro Agrippa, har dikom mashkral o diwes i bari momeli dran o bolepen. Un koja was trul mande un trul kolende, kai pash mande his. Koi momeli his sorleder har o kham.

Bičepangre 26:19

Doleske krom kowa, baro Agrippa, hoi ko rakepen dran o bolepen mange penas.

Bičepangre 7:48

O baro Dewel djiwell gar an khera, kai i menshe kran pengre wastentsa. Kowa penas glan rah tsiro o Debleskro rakepaskro, o Jesaja:

5. Mose 32:8

har o pralstuno Dewel i menshen pengro them das. Job mukas i natsjone kote djiwenn, kai lo kamas. Peskre tchawen Israel das lo hakenes i them bares doha leskre menshenge.