Daniel 4:34 - O Debleskro Drom 2021 (Sinte)

³⁴ Me, o Nebukadnezar parkrau man pash o bolepaskro rajeste un hadau les un sharau les. Lauter, hoi job krell un kras, hi mishto. Un leskre dromma hi tchatcho. Un kolen, kai pen bares krenn, nai krell lo tiknes.”

O Debleskro Lab 2024 (Sinte-Manouche)

³⁴ Me, o Neboukadnezar parkrau man pash o bolepaskro rayeste oun hadau les oun sharau les. Lauter, hoy yob krell oun kras, hi mishto. Oun leskre dromma hi čačo. Oun kolen, kay pen bares krenn, nay krell lo tiknes.”

Daniel 4:34 ပူးပေါင်းရင်းမြစ်များ

2. Samuel 22:31

I tsele dromma, kai o Dewel man anella, hi latcho. Leskre laba hi latcho un tchatcho. Job rikrell peskro wast pral hakeneste, kai well pash leste.

1. Familjakro liil 29:10

un sharas o baro Debles glan i tsele menshende, un penas: Baro Dewel, tu Dewel maro dadestar Israel, mer sharah tut kanna un hako tsiro.

1. Familjakro liil 29:13

Maro Dewel, mer parkrah men pash tute, un sharah tiro railo lab.

Hiob 1:21

Un job penas: “Har boldo wom, his kek koola ap mande. Un ap ko diwes, kai merau, lau kek koola mantsa. O baro Dewel das man lauter, hoi man hi. Un o baro Dewel las les pale mandar. Job well sharedo!”

Debleskri gili 10:16

O baro Dewel hi o baro rai kanna un hako tsiro. Kolla, kai gar ap leste patsenna, djan penge dran leskro them.

Debleskri gili 102:24

Har homs gar dureder har mashkral ap miro drom, phagas job miri soor, mukas man sikeder phuro te well.

Debleskri gili 107:15

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende,

Debleskri gili 107:22

Ninna hunte anenn le leske shukar koowa, te parkrenn le pen pash leste. Un i bachtelo djijeha hunte rakrenn le kolestar, hoi job lenge kras.

Debleskri gili 107:31

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 107:8

Jon hunte parkrenn pen pash o baro Debleste, te was lo jaake latches ap lende, un kras baro shukar koowa ap i menshende.

Debleskri gili 111:7

Job rikrell peskro lab, un lauter, hoi krell lo, hi tchatcho. Un mer nai rikrah men ap leskre laba.

Debleskri gili 121:1

I gili te giwell ap o drom an Jerusalem. Me dikau pre ap i berge. Kai well kowa, kai well mange ap i rig?

Debleskri gili 123:1

I gili te giwell ap o drom an Jerusalem. Ap tute dikau pre, kai tu an o bolepen khere hal.

Debleskri gili 145:13

Tu hal un atcheh o baro rai kanna un hako tsireske. O baro Dewel rikrell peskre tsele laba, un hi latcho an halauter, hoi krell lo.

Debleskri gili 146:10

O baro Dewel hi o baro rai hako tsireske. Job hi tiro Dewel, Zion, kanna un hako tsiro. Sharedo well o baro Dewel!

Debleskri gili 50:14

Kowa, hoi tutar kamau, hi, te parkress tut pash mande, tiro Debleste, un te rikress tiri sowel, hoi dal tu mande, o pralstuneste.

Debleskri gili 66:7

Job hi o baro rai hako tsireske. Leskri soor pral i menshenge hi baro. Hake themma lell job an o jak, te nai hadenn pen kolla gar, kai lestar tele peran.

Debleskri gili 7:17

Koi bibacht, hoi kamas lo ap i wawareste te anell, was ap leskro shero pale. Ko tchilatcho koowa, hoi kamas lo i wawareske te krell, peras ap leste pale.

Debleskri gili 9:2

Baro Dewel, me parkrau man pash tute o tselo djijeha, un rakrau pral ko tselo baro koowa, hoi tu kral.

Debleskri gili 92:1

I gili, te giwell ap o Debleskro diwes.

Jesaja 13:11

O baro Dewel penell: Me anau bibacht ap i phub, un mukau o tselo tchilatchepen, hoi i tchilatche kran, ap lende pale te well. I pre-phurden hi buder tchi, koleha nai sharenn le pen. Un me krau kol pre-phurden tikno, kai rikran pengri sorjah kolen tele, kai len kek soor hi.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 24:15

Hadenn o baro Debles, tumer kai djiwenn kote, kai o kham pre djal! Un an i panjengre themma denn win gole: “Har railo hi o baro Dewel, kai o Israeleskro Dewel hi!”

Jeremia 10:10

O baro Dewel hi o tchatcho Dewel, ko djido Dewel, kai hako tsireske o baro rai atchell. Te well job chojedo, trissell i phub, un i menshe nai rikrenn leskri choli gar win.

Ropaskre gilja 3:38

Kowa hi o Dewel pral halauter, kai penell, te well i bibacht un ninna i bacht.

Daniel 12:7

Un me shunom ko murshes, kai an laintikre koola rido his, un pral ko lengsto pani tardo his. Un kowa hadas peskro tchatcho un peskro serwo wast pre ap o bolepen, un das pes sowel pash koleste, koleskro djipen gar pre herella, un penas: “Jek tsiro un dui tsirja un i paash tsiro. Un ap ko tsiro, kai o Debleskre menshe pale khetne djiwenna, un buder gar kate te kote tradedo hi, palle hi kowa lauter kerdo.”

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 4:2

His jek rati, har homs tchiddo ap miro tchiben, koi dom suni. Un koja kras mange daar. Awa, kowa, hoi dikom, kras mange bari traash.

Daniel 4:26

Har 12 (deesh-te-dui) tchonna trujel his, un job pral ap peskro kheer an o foro Babilon trujel djas,

Daniel 4:3

Un me penom soreles, te wenn i tsele sikle mursha an o them Babilonia pash mande khetne, te nai penenn le mange, hoi koi suni kamell te penell.

Daniel 4:32

Kolla, kai ap i phub djiwenna, hi har tchi glan leste. Un har job kamella, djal job kol pralstunentsa trujel, kai an o bolepen hi, un ninna kolentsa, kai ap i phub djiwenna. Un kek nai penell leske: ‘Kowa hunte kress tu gar!’ Witar kek nai putchell lestar: ‘Hoi kreh tu kate?’

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

Daniel 5:21

Un job was pale-tchiddo un nai djiwas buder gar mank i menshende. Un leskro dji was har i viecheskro dji. Un job djiwas pash i diwje burike. Un jon dan les khass te chal har i grumjen. Un job tchiwas pes win tele. Un o brishin peras ap leste tele un kras les sapeno, bis ap ko diwes, kai job haiwas, te hi o pralstuno Debles i tsele rajengre themma an peskro wast, un job dell len koleste, koneste job kamell.

Daniel 6:26

Palle mukas o baro rai Darius i liil te tchinell ap i menshende dran hako them un rakepen ap i phub: Bari bacht tumenge!

Daniel 7:14

Un kowa das les i rajeskri soor un barepen un railepen, te well lo rai pral i menshende dran hako them un rakepen. Leskri rajeskri soor atchell hako tsiro un herell gar pre. Un job atchell baro rai an i tsele tsirja.

Daniel 7:27

Un kol tsele themma ap i phub wenn kol menshende o pralstuno Deblestar dino. Un jon wenn i raja pral lende, un len well i soor un penepaske pral lende. Un o pralstuno Dewel atchell o baro rai hako tsireske. Un kolla lauter, kai pralstune hi ap kai phub, hunte mangenn les an un hunte shunenn ap leste.”

Daniel 9:14

Un jaake dal tu jak, baro Dewel, te well koi bari bibacht pral mende. Tchatchepah, tu maro baro Dewel hal an o tchatchepen an halauter hoi kreh. Un mer shunam gar ap tute.

Jona 1:14

Kote dan le ap o baro Debleste gole un penan: “Ach, baro Dewel, ma muk men te tassell dran kau mursheste. Ma muk leskro rat pral mende te well! Tu, baro Dewel, kral, hoi an tire jaka mishto hi.”

Micha 4:7

Un me krau, te wenn lendar bud menshe. Awa, kolendar, kai krik tradedo his un pale khere anlo wan, well i baro natsjona. Un palle hom me, o baro Dewel, o baro rai pral lende ap i berga Zion hako tsireske.

Louka 1:33

Un job atchell baro rai pral o Jakobeskre menshende hako tsiro. Un les hi penepaske pral lauter un hakeneste. Kowa atchell jaake hako tsireske.”

Louka 18:13

Ko pale-tchiddo atchas palla tardo, un hadas gar peskro shero pre. Un job das ap peskro betch, te sikrell lo, kai leskro tchilatcho koowa khaitas les, un penas: Miro Dewel, me hom i tchilatcho mursh. Dik ap mande un ab mange latcho!”

Johanni 5:26

An o dadeste hi o djipen. Kowa das lo ninna peskro tchaweste, te well an leste ko djipen.

5. Mose 32:4

Job hi maro sorelo rikepaskro. Lauter, hoi job krell, hi mishto. Leskre tsele dromma hi tchatcho. Maro Dewel rikrell peskro lab; an leste hi kek tchilatchepen. Chochepen djinell lo gar.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

1. Timoteo 6:16

Job nai merell gar. Job djiwell kote, kai i momeli jaake sorelo hi, kai kek nai dren djala. O Debles dikas kek mensho, un kek mensho nai dikell les. Koles well o tselo railepen un i tseli soor!

Debleskro tsiro 10:6

un das pes sowel pash koleste, kai djiwella kanna un hako tsiro, kowa hoi o bolepen kras, un lauter, hoi an leste hi, ninna i phub un lauter, hoi ap late hi, un ninna o baro pani, un lauter, hoi an leste hi. Un o bolepaskro penas: “O tsiro hi trujel.”

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 4:10

Hako kopo, kai krenn le kowa, witsrenn pen kol biish-te-star tchatchepangre phure glan koleste tele, kai ap o rajeskro beshepaskro beshdo hi, un sharenn koles, koleskro djipen gar pre-herella. Un jon tchiwenn pengro sherengro sonakai glan o rajeskro beshepaskro tele, un penenna:

Debleskro tsiro 4:9

Un jaake sharenn kol star sorele bolepangre koles, kai ap o rajeskro beshepaskro beshdo hi, un jon hadenn les un krenn les baro, un parkrenn pen pash leste, kai djiwell hako tsireske.