Daniel 4:21 - O Debleskro Drom 2021 (Sinte)

²¹ Miro baro rai, kai suni kamell tuke te penell, hoi o pralstuno Dewel penas, te well pral tute:

O Debleskro Lab 2024 (Sinte-Manouche)

²¹ Miro baro ray, kay souni kamell touke te penell, hoy o pralstouno Devel penas, te vell pral toute:

Daniel 4:21 ပူးပေါင်းရင်းမြစ်များ

Debleskri gili 104:17

An kol ruka krenn i tikne tchirkle pengre khera, un i storche beshenn pral ap i ruka.

Ezekiel 17:23

Pral ap koi bari berga an o them Israel, kote tchiwau les an i phub. Un job lell bud kashta un hidjrell rukengre, un well i railo zedertikro ruk. Un an leste djiwenn bud tchirkle un hi khere mank leskre kashta.

Ezekiel 31:6

Hake tchirkle kran pengre khera an leste. Un i wesheskre vieche anan pengre tchawen tel leste ap i phub. Un menshe dran hako baro them djiwan tel leste, te khatrenn le pen glan o kham.

Daniel 2:38

Un das an tiro wast i tsele themma, kai menshe djiwenna, ninna i viechen an o weesh un i tchirklen tel o bolepen. Un kras tut rai pral lende. Tu hal ko shero dran sonakai.

Daniel 4:11

un das gole: ‘Denn ko ruk trujel! Un denn leskre kashta tele! Tserdenn leskre patria lestar tele! Un witsrenn leskre rukengre trujel, te nashenn i vieche tel leste lestar krik! Un i tchirkle mukenn pengre kashta ninna!

Daniel 4:20

Un tu, baro rai, dikal, har i bolepaskro dran o bolepen tele was, kai lauter an o jak las. Un kowa penas: ‘Denn ko ruk trujel un denn les paash! Leskro telstuno kotar i drabentsa mukenn an i phub un pandenn sasterne shelle trul leste! Job te atchell tchiddo mank o senlepen. Un o brishin perell ap leste tele un krell les sapenes. Un mank i viechende djiwell lo efta bersha.’

Daniel 4:22

Tu weh pale-tchiddo un hunte djiwess pash i viechende un buder gar mank i menshende. Jon denn tut khass te chal har i grumjen. Un tu tchiweh tut win tele. Un o brishin perell ap tute tele un krell tut sapenes. Un efta bersha djan jaake trujel, bis te tu haiweh, te hi o pralstuno Debles i tsele rajengre themma an peskro wast, un job dell kol themma koleste job kamell.

Louka 13:19

Kowa hi jaake: I mursh tchiwas i tikno senftikro djob an i phub. Un dran ko tikno djob was i baro ruk. Un i tchirkle djiwan ap leste.”