Daniel 3:29 - O Debleskro Drom 2021 (Sinte)

²⁹ Un jaake penau me kanna: Koon i tsele menshendar dran hako them un rakepen rakrell djungeles pral ko Debleste, koles o Shadrach un o Meshach un o Abed-Nego an-mangenn, kowa well an kotja dino. Un koleskro kheer well pash dino. Hi kek wawar dewel, kai nai lell jekes jaake dran o merepen win har job.”

O Debleskro Lab 2024 (Sinte-Manouche)

²⁹ Oun yaake penau me kanna: Koon i tsele menshendar dran hako them oun rakepen rakrell djoungeles pral ko Debleste, koles o Shadrak oun o Meshak oun o Abed-Nego an-mangenn, kova vell an kotya dino. Oun koleskro kheer vell pash dino. Hi kek vavar devel, kay nay lell yekes yaake dran o merepen vin har yob.”

Daniel 3:29 ပူးပေါင်းရင်းမြစ်များ

2. Rajengro liil 10:27

Un ko baro bar, hoi pre-tchiddo was o debleske Baal, koles dan le an kotja, ninna leskro tselo kheer. Bis kai diwes hi koi platsa i platsa, kai djan i menshe ap i rig.

Esra 6:11

Un pale mukau tumenge te penell: Te rikrell pes jek tumendar gar ap mire laba, hunte well i baro kasht dran leskro kheer win tserdedo, un job hunte well koi pre dino. Un leskro tselo kheer hunte well tele phagedo, doleske kai job gar mire laba dren rikras.

Debleskri gili 3:8

Ste pre, baro Dewel, un le man win, mo Dewel! Hakenes, kai ap mande djal, deh tu ap i tcham. Awa, i tchilatchenge deh tu i danda paash.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Daniel 1:19

Un o baro rai rakras lentsa! Un mank kol tsele mursha was kek hatslo, koon jaake his har o Daniel un o Hananja un o Mishael un o Asarja. Un jon wan pralstune an o baro rajeskro kheer.

Daniel 1:7

Un o pralstuno pral o rajeskro kheer das hakenes lendar i wawar lab. O Daniel kharas kanna Beltsazar, un o Hananja Shadrach, un o Mishael Meshach, un o Asarja Abed-Nego.

Daniel 2:17

Pal kowa djas o Daniel khere, un penas lauter peskre malenge, – un kolla his o Hananja un o Mishael, un o Asarja –

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

Daniel 2:49

Un o Daniel mangas o baro rajestar, te wenn o Shadrach un o Meshach un o Abed-Nego i moskre pral i forja an o them Babilonia. Un kowa was jaake. O Daniel atchas an o baro rajeskro kheer.

Daniel 2:5

O baro rai penas ap lende: “Hi jaake har penom: Tumer hunte penenn mange i suni, un hoi koja kamell te penell. Te krenn tumer kowa gar, palle mukau me tumen an kotja te tchinell, un tumare khera tele te phagell.

Daniel 3:12

Un kate hi biboldengre mursha, hoi tu dren tchiwal an pengri budi, te wenn le pralstune an o them Babilonia. Kolla krenn gar, hoi tu penal, un sharenn tiro debles gar un mangenn koi figura gar an, hoi tu mukal pre te tchiwell. Kolla hi o Shadrach, o Meshach un o Abed-Nego.”

Daniel 3:15

Kanna shunenn: Jaake sik, har shunenn tumer o phurdepaskro bashepen un bashepen ap i dorjengre bashepangre un ko tselo wawar bashepen, witsrenn tumen tele ap i phub, un mangenn koi figura an, hoi me krom! Te witsrenn tumen gar glan late ap i phub, palle wenn tumer gomme kate an i bobeskri jag witsedo! Un koon hi ko dewel, kai nai lell tumen win dran miro wast?”

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Daniel 6:28

Job nai lell jekes dran o merepen win, an hawi bibacht kowa ninna hi. An o bolepen un ap i phub, krell lo baro sorelo koowa, hoi kek wawar nai krella. O Danieles las job dran i lewengre muja win, jaake te nai dukran le les gar.

5. Mose 32:31

Kolengre debla hi gar har maro Dewel. Kowa djinenn un penenn ninna kolla, kai kuran pen mentsa.