Daniel 3:27 - O Debleskro Drom 2021 (Sinte)

²⁷ Un i pralstune, i bare lurde, o themeskre raja un wawar pralstune o baro rajestar wan khetne, un dikan penge kol murshen an, un dikan, kai i jag kek soor pral kolende his. Un i balla ap lengre sherja his gar chatchedo. Un lengre baja his gar paash. Un ap lende sungas nai kek i jagakri khand.

O Debleskro Lab 2024 (Sinte-Manouche)

²⁷ Oun i pralstoune, i bare lourde, o themeskre raya oun vavar pralstoune o baro rayestar van khetne, oun dikan penge kol morshen an, oun dikan, kay i yag kek zoor pral kolende his. Oun i balla ap lengre sherya his gar rhačedo. Oun lengre baya his gar paash. Oun ap lende soungas nay kek i yagakri khand.

Daniel 3:27 ပူးပေါင်းရင်းမြစ်များ

1. Rajengro liil 13:28

Un job klissas koi, un hatsas ko maredo murshes tchiddo ap o drom. Un i burika un o lewo his pash leste tardo. Un o lewo chas tchi o mulo murshestar, un i burika dandras lo gar khetne.

2. Rajengro liil 19:19

Kanna, maro baro Dewel, le men win dran o wast o baro rajestar pral o them Assur, te nai dikenn un haiwenn i menshe an i tsele themma ap kai phub, kai tu, baro Dewel, kokres o Dewel hal.”

Debleskri gili 83:18

An ladj un traash ap lende hako tsireske, te merenn le an i ladj.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Daniel 3:21

Un kolla pandan len un witsran len an koi bobeskri jag. Len his gomme pengre tsele koola ap pende: lengre baja, cholopja un stadja.

Daniel 6:23

Miro Dewel bitchras peskro bolepaskres, un kowa pandas i muja kol lewendar, jaake te nai dukran le man gar. Miro Dewel dikell kek doosh ap mande. Un ninna ap tute, miro baro rai, krom me tchi, koleske i phagi hunte loms.”

Daniel 6:7

Kote nashan kol raja un kol pralstune sik pash o baro rajeste un penan ap leste: “Tu baro rai Darius, te djiwess hako tsireske!

Mateo 10:30

Un job djinella, kitse balla ap tumaro shero hi.

Bičepangre 26:26

O baro rai Agrippa djinell kowa lauter. Man hi kek traash, te rakrap leha pral halauter. Me djinau, job shunas kowa lauter. Kowa, hoi koi djas, atchas gar khatedo.

Bičepangre 27:34

Doleske mangau tumen: Chan kanna tchomone! Kowa hunte krenn, te atchenn djido. Kek tumendar nashrell i bal ap o shero.”

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.