Daniel 3:25 - O Debleskro Drom 2021 (Sinte)

²⁵ Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

O Debleskro Lab 2024 (Sinte-Manouche)

²⁵ Yob penas: “Me dikau star morshen, kay an i yag trouyel djan. Oun yon hi bouder gar pandlo, oun kek doukepen hi ap lende. Oun ko starto dikell vin har i bolepaskro.”

Daniel 3:25 ပူးပေါင်းရင်းမြစ်များ

Hiob 1:6

Un was i diwes, kote wan i tsele bolepangre pash o baro Debleste khetne, un tchiwan pen tardo glan leste. Ninna o beng his mashkral lende.

Hiob 38:7

Har lo tchiddo was, giwan i tsele bolepangre momlia, hoi tsalla pre djan, un i bolepangre dan gole i bachtjatar.

Hiob 5:19

Hako kopo, kai perell i bibacht ap tute, lell lo tut win. Un kek tchilatchepen nai taprell tut an.

Debleskri gili 34:7

Ake hi jek, kai gole das ap o baro Debleste, har leske djungeles djas, un job shunas les un las les win dran lauter, hoi leske o djipen phares kras.

Gosewe laba 30:4

Koon djas pre an o bolepen un pale tele? Koon las o phurdepen an peskre wasta? Koon pandas i tsele panja an i baja? Koon penas, har dur i phub te djal? Har kharell lo? Har kharell leskro tchawo? Djineh tu kowa?

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jeremia 1:19

Ninna te tchingrenn le tuha, nai krenn le tuke tchi. Me hom pash tute, te lap tut dran lengre wasta win. Kowa penau me, o baro Dewel.

Jeremia 1:8

Ma traash lendar. Me hom pash tute, un rikrau mire wasta pral tute. Ko penau me, o baro Dewel.

Jeremia 15:21

awa, dran i wasta kolendar, kai tchilatcho ap tute hi, un kai djan sorjah ap tute pre.

Daniel 3:18

Un ninna te kamell lo kowa gar te krell, tu djiness: Mer sharah tiro debles gar, un mangah gar koi sonakaskri figura an, hoi tu mukal pre te tchiwell.”

Daniel 3:24

Un ap jek kopo kras o baro rai Nebukadnezar bare jaka. Un job stas ap peskre herja, un putchas kol pralstunendar, kai pash leste hi: “Mukam mer gar triin murshen te pandell un len an i jag te witsrell?” “Awa, baro rai, jaake hi!” penan le.

Daniel 3:28

Un o Nebukadnezar penas: “Sharedo well o Dewel, koles o Shadrach un o Meshach un o Abed-Nego an-mangenn. Job bitchras peskro bolepaskres un las peskre budepangren dran o merepen win. Kolla rikran ap leste, un shunan gar ap miro lab, un dan pengro djipen an o merepen. Jon kaman kek wawar debles an-mangenn har pengro Debles kokres.

Daniel 6:23

Miro Dewel bitchras peskro bolepaskres, un kowa pandas i muja kol lewendar, jaake te nai dukran le man gar. Miro Dewel dikell kek doosh ap mande. Un ninna ap tute, miro baro rai, krom me tchi, koleske i phagi hunte loms.”

Markus 16:18

Jon te lenn sapa an pengre wasta, un te pijenn le i pipen, kai nai merenn le, palle wenn le gar nasselo. Ap i nasslende tchiwenn le i wasta pre. Un kolla wenn sasto.”

Louka 1:35

O bolepaskro penas ap late: “O Debleskro Ducho un leskri soor well pral tute. Doleske well o ternepen o Deblestar un well Debleskro tchawo kharedo.

Bičepangre 28:5

O Paulo witsras ko sap an i jag, un leske djas tchi.

1. Petro 3:13

Tumer te kamenn i tseli sorjah latcho koowa te krell, koon krell tumenge tchilatchepen? Kek, patsau.