Daniel 3:24 - O Debleskro Drom 2021 (Sinte)

²⁴ Un ap jek kopo kras o baro rai Nebukadnezar bare jaka. Un job stas ap peskre herja, un putchas kol pralstunendar, kai pash leste hi: “Mukam mer gar triin murshen te pandell un len an i jag te witsrell?” “Awa, baro rai, jaake hi!” penan le.

O Debleskro Lab 2024 (Sinte-Manouche)

²⁴ Oun ap yek kopo kras o baro ray Neboukadnezar bare yaka. Oun yob stas ap peskre herya, oun poučas kol pralstunendar, kay pash leste hi: “Moukam mer gar triin morshen te pandell oun len an i yag te vitsrell?” “Ava, baro ray, yaake hi!” penan le.

Daniel 3:24 ပူးပေါင်းရင်းမြစ်များ

2. Familjakro liil 22:4

Jaake kras lo, hoi glan o baro Debleskre jaka tchilatcho hi, jaake har kran kowa leskre menshe dran o Ahabeskro kheer. Pal o merepen leskro dadestar penan jon leske, hoi te krell lo. Un kowa his leskri bibacht.

Daniel 3:17

Maro Dewel, koles mer an-mangah, te kamell job, palle nai lell lo men win dran i bobeskri jag un dran tiro wast.

Daniel 3:23

Un o Shadrach un o Meshach un o Abed-Nego peran pandles an i jag.

Daniel 3:25

Job penas: “Me dikau star murshen, kai an i jag trujel djan. Un jon hi buder gar pandlo, un kek dukepen hi ap lende. Un ko starto dikell win har i bolepaskro.”

Daniel 4:22

Tu weh pale-tchiddo un hunte djiwess pash i viechende un buder gar mank i menshende. Jon denn tut khass te chal har i grumjen. Un tu tchiweh tut win tele. Un o brishin perell ap tute tele un krell tut sapenes. Un efta bersha djan jaake trujel, bis te tu haiweh, te hi o pralstuno Debles i tsele rajengre themma an peskro wast, un job dell kol themma koleste job kamell.

Daniel 4:27

kharas lo win: “Ake, o baro foro Babilon! Me tchiwom les pre miri bari sorjah, te well lo miro foro, kai hom baro rai. Lauter, kai dikenn les, sharenn miro railepen.”

Daniel 5:18

Tu miro rai! O pralstuno Dewel das tiro dades Nebukadnezar themma, rajeskri soor, barepen un railepen.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Daniel 6:22

Kote rakras o Daniel o baro rajeha un penas: “Baro rai, te djiwess hako tsireske!

Daniel 6:7

Kote nashan kol raja un kol pralstune sik pash o baro rajeste un penan ap leste: “Tu baro rai Darius, te djiwess hako tsireske!

Bičepangre 12:13

O Petro das o wasteha ap o wudar, un i budepaskretsa was. Lakro lab his Roda. Joi kamas te shunell, koon koi hi.

Bičepangre 26:13

Me homs ap o drom, baro Agrippa, har dikom mashkral o diwes i bari momeli dran o bolepen. Un koja was trul mande un trul kolende, kai pash mande his. Koi momeli his sorleder har o kham.

Bičepangre 26:27

Patseh tu, baro rai Agrippa, hoi kol Debleskre rakepangre penan? Me djinau, kai tu kolen patseh.”

Bičepangre 9:6

Ste pre un dja an ko foro! Koi penenn le tuke, hoi te kress.”

1. Samuel 17:55

O Saul dikas, har djas o David an o kurepen ko Filistareha, un putchas peskro pralstuno lurdestar, o Abner: “Koneskro tchawo hi kowa?” Un o Abner penas: “Tchatchepah, miro rai, me djinau gar!”