Daniel 3:19 - O Debleskro Drom 2021 (Sinte)

¹⁹ Kote was o Nebukadnezar jaake pherdi choli, te was leskro mui lolo i choljatar pral o Shadrach, o Meshach un o Abed-Nego. Un job penas soreles, te well o bob efta kope jaake tateder kerdo, har glan ko tsiro.

O Debleskro Lab 2024 (Sinte-Manouche)

¹⁹ Kote vas o Neboukadnezar yaake pherdi rholi, te vas leskro mouy lolo i rholyatar pral o Shadrak, o Meshak oun o Abed-Nego. Oun yob penas zoreles, te vell o bob efta kope yaake tateder kerdo, har glan ko tsiro.

Daniel 3:19 ပူးပေါင်းရင်းမြစ်များ

1. Mose 31:2

Un o Jakob haiwas, kai o Laban buder gar latcho ap leste his, har glan kau tsiro.

Ester 3:5

Un har o Haman dikas, te witsrell o Mordekai pes gar glan leste tele, tapras les i bari choli.

Ester 7:7

Un o baro rai stas chojedo pre kotar, kai le mool khetne pijan. Un djas win an i baar pash peskro kheer. Un o Haman atchas pash i ranjate Ester, te mangell lo latar peskro djipen. Job dikas koi bibacht, hoi pral leste well, hoi o baro rai peske glan las.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Gosewe laba 16:14

I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Gosewe laba 21:24

Ko baro-mujeskro, kai dikell tele ap i wawarende, well pre-phurdo kharedo. Job patsell, te nai krell lo lauter un kek les pale rikrell.

Jesaja 51:23

Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

Daniel 2:12

Kote was o baro rai jaake chojedo, te penas lo, te wenn i tsele sikle mursha maredo an o them Babilonia.

Daniel 3:13

Un i bari choli tapras o Nebukadnezar. Un job penas, te anenn le kol triin murshen glan leste. Un i mursha wan glan leste anlo.

Daniel 3:20

Pale penas lo peskre sorleder lurdenge, te pandenn le o Shadrach un o Meshach un o Abed-Nego, un te witsrenn le len an koi bobeskri jag.

Daniel 5:6

Koi was o baro rajeskro mui parno. Un job trashas jaake, te nashras lo haki soor, un leskre herja trissan.

Daniel 6:24

Kote stas o baro rajeskro dji i bachtjatar. Un job penas, te lenn le o Danieles win dran koi gruba. Un o Daniel was win lino, un kek dukepen was ap leste hatslo, doleske kai rikras job soreles ap peskro Debleste.

3. Mose 26:18

Te shunenn tumer ninna palle gar ap mande, dau tumen i phagi, hoi hi efta kope phareder har kaja, hoi bis kanna dom.

3. Mose 26:21

Un te sikrenn mange o dumo un kamenn gar ap mande te shunell, palle dau me tumen i phagi, hoi gomme efta kope phareder hi har kaja bis kanna.

3. Mose 26:24

palle sikrau me tumenge o dumo, un dau tumen i phagi, hoi efta kope phareder hi har kaja bis kanna.

3. Mose 26:28

palle djau me an choli ap tumende, un dau tumen i phagi hoi hi efta kope phareder har kaja, hoi bis kanna ap tumende was.

Bičepangre 5:33

Har jon kowa shunan, wan jon chojemen ap lende, un kaman len te marell.

Bičepangre 7:54

Har jon kowa shunan, hoi o Stefano lenge penas, djas lenge kowa an o dji, un i bari choli tapras len.