Daniel 2:49 - O Debleskro Drom 2021 (Sinte)

⁴⁹ Un o Daniel mangas o baro rajestar, te wenn o Shadrach un o Meshach un o Abed-Nego i moskre pral i forja an o them Babilonia. Un kowa was jaake. O Daniel atchas an o baro rajeskro kheer.

O Debleskro Lab 2024 (Sinte-Manouche)

⁴⁹ Oun o Daniel mangas o baro rayestar, te venn o Shadrak oun o Meshak oun o Abed-Nego i moskre pral i forya an o them Babilonia. Oun kova vas yaake. O Daniel ačas an o baro rayeskro kheer.

Daniel 2:49 ပူးပေါင်းရင်းမြစ်များ

Ester 2:19

His an ko tsiro, har i duito kopo terne tcha khetne anlo wan o baro rajeske. Koi his o Mordekai beshdo an o baro wudar glan o baro rajeskro kheer.

Ester 2:21

An kol diwessa har o Mordekai an ko baro wudar glan o baro rajeskro kheer beshdo his, wan dui budepangre an i bari choli. Kolla dan jak ap i wudja un kharan Bigtan un Teresh. Un jon lan penge glan, te denn le o baro rajes Ahasveros mulo.

Ester 3:2

Un o baro rai penas, te djan i tsele pralstune, kai an o baro wudar glan leskro kheer hi, ap i phub glan o Haman un parkrenn les. Un jaake kran le. Kokres o Mordekai kamas gar, un djas gar glan leste tele ap i phub.

Gosewe laba 28:12

Te hi kolen penepaske, kai an o tchatchepen tardo hi, palle hi bachtelo tsiro. Te well i tchilatchen penepaske, palle khatrenn pen i menshe.

Jeremia 39:3

Un i tsele pralstune o baro rajestar dran o them Babilonia djan dren un atchan pash o Mashkralstuno Wudar. Mank lende his o Nergal-Sharezer, o Samgar-Nebo, o Sar-Sechim – kowa his o pralstuno pral o baro rajeskro kheer, i wawar Nergal-Sharezer – kowa his o pralstuno i gosewendar, un bud wawar pralstune.

Daniel 1:17

Un kol star terne murshen das o Dewel i baro goswepen, te haiwan le lila an bud rakepen te drawerell. Ninna haiwan le pen win an bud koowa. Un o Daniel haiwas ninna te penell, hoi sunja un dikepen kamenn te penell.

Daniel 1:7

Un o pralstuno pral o rajeskro kheer das hakenes lendar i wawar lab. O Daniel kharas kanna Beltsazar, un o Hananja Shadrach, un o Mishael Meshach, un o Asarja Abed-Nego.

Daniel 2:17

Pal kowa djas o Daniel khere, un penas lauter peskre malenge, – un kolla his o Hananja un o Mishael, un o Asarja –

Daniel 3:1

O baro rai Nebukadnezar kras i sonakaskri figura, hoi shob-deesh (60) mussja bares un shob mussja buchles his. Un job tchiwas lat pre an o buchlo them Dura. Ko them Dura his an o them Babilonia.

Daniel 6:2

Un an leskre jaka his latcho, te tchiwas lo 120 (sheel-te-biish) pralstunen pral i tsele themma, kai job o rai his.

Amos 5:15

Dikenn tchilatches ap kowa, hoi tchilatcho hi, un dikenn latches ap kowa, hoi latcho hi! Dikenn koi pre, te lell kowa peskro tchatchepen, koon an o tchatchepen hi! Palle nai well o baro Dewel latches kolenge, kai dran o kheer Josef pral atchenn. Job hi o rai pral o bolepen un i phub.