Daniel 2:39 - O Debleskro Drom 2021 (Sinte)

³⁹ Un pal tute well i wawar rai. Kowa hi buder gar jaake sorelo har tu. Un pal koleste well i triinto rai. Koleskro them hi har dran lolo saster, un hi rai pral i tseli phub.

O Debleskro Lab 2024 (Sinte-Manouche)

³⁹ Oun pal toute vell i vavar ray. Kova hi bouder gar yaake zorelo har tou. Oun pal koleste vell i triinto ray. Koleskro them hi har dran lolo saster, oun hi ray pral i tseli phoub.

Daniel 2:39 ပူးပေါင်းရင်းမြစ်များ

Jesaja 44:28

Me hom kowa, hoi ap o Kirus penell: “Tu dess garda ap mire menshende har i bakrengro ap peskre bakre.” Un job krell lauter, hoi kamau, te krell lo. Pral o foro Jerusalem penell lo: “Tchiwenn les pale pre!” Un pral o Debleskro baro kheer penell lo: “Tchiwenn leskre barra pale pre!”

Daniel 10:20

Kote penas lo mange: “Haiwal tu, hoske me pash tute wom? Me kamau tute te sikrell, hoi an ko liil tchinlo hi, kai o Debleskro tchatchepen dren tardo hi. Pal kowa hunte kurap man o bolepaskreha, kai hi o rai pral o them Persia, un palle koleha, kai hi o rai pral o grichtikro them. Un kek hi koi, kai well ap miri rig an o kurepen lentsa, kokres o bolepaskro Michael, kai tumare menshenge koi hi.

Daniel 2:32

Lat his i shero, hoi his dran latcho sonakai. Un o betch un i mussja his dran rup. Un o per bis ap i herja his dran lolo saster.

Daniel 2:38

Un das an tiro wast i tsele themma, kai menshe djiwenna, ninna i viechen an o weesh un i tchirklen tel o bolepen. Un kras tut rai pral lende. Tu hal ko shero dran sonakai.

Daniel 2:40

Un ko starto rai hi sorelo har saster. Un jaake har o saster lauter phagell un paash dell, jaake krell job ninna lauter paash, hoi leske an o drom tchiddo hi.

Daniel 7:23

Un kowa, kai kote tardo his, penas mange: “O starto viecho hi i starto tsiro, kai bari rajengri soor ap i phub diklo wella. Koi rajengri soor hi wawartchandes har kolla, kai glan kowa his, un chal i tsele themma pre, stakrell len khetne un dell lauter paash.

Daniel 8:20

Ko bakro kol dui shingentsa, hoi tu dikal, kolla hi i bare raja pral i themma Media un Persia.

Daniel 8:21

Un koi mursh busni hi o baro rai pral o grichtikro them. Un ko baro shing, hoi mashkral leskre jaka his, hi ko ersto baro rai.

Zakarie 6:3

glan o triinto parne graja un glan o starto wurdin his kalo-parne graja. Jon halauter his sorelo.

Zakarie 6:6

I kale graja djan ap i serwi rig, i parne graja djan ap i rig, kai o kham tele djal, un i kalo-parne graja djan ap i tchatchi rig.