Daniel 2:28 - O Debleskro Drom 2021 (Sinte)

²⁸ Kanna djin, an o bolepen hi i Dewel, kowa nai sikrell, hoi khatedo hi. Un job mukell o baro rajes Nebukadnezares te djinell, hoi wella an kol tsirja, kai wenna. Ake kowa, hoi suni dal un ko dikepen, hoi dikal, har sowal:

O Debleskro Lab 2024 (Sinte-Manouche)

²⁸ Kanna djin, an o bolepen hi i Devel, kova nay sikrell, hoy khatedo hi. Oun yob moukell o baro rayes Neboukadnezares te djinell, hoy vella an kol tsirya, kay venna. Ake kova, hoy souni dal oun ko dikepen, hoy dikal, har soval:

Daniel 2:28 ပူးပေါင်းရင်းမြစ်များ

1. Mose 40:8

Penan jon ap leste: “Mer dam suni. Un kek hi koi, kai penell nashte, hoi mare sunja menge penenna.” Penas o Josef ap lende: “O Dewel penell nai, hoi kol sunja penenna. Penenn tumare sunja mange!”

1. Mose 41:16

Koi penas o Josef ap o baro rajeste: “Me nai krau kowa gar. O Dewel penella, hoi o baro rajeske mishto hi.”

1. Mose 41:25

O Josef penas ap o baro rajeste: “O baro rajeskre dui sunja hi jek suni. Hoi o Dewel kamell te krell, sikras job tute.

1. Mose 49:1

Un o Jakob das peskre tchawen gole un penas: Awenn khetne! Me penau tumenge, hoi tumenge djala an ko tsiro, kai wella.

Debleskri gili 115:3

Maro Dewel hi an o bolepen, un job nai krell lauter, hoi lo kamella.

Jesaja 2:2

Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

Jeremia 10:7

Hakeno hunte trashell tutar un hunte hadell tut. Tu hal o baro rai pral i themma! Ap tute hunte shunenn le. Mashkral kol tsele gosewende un bare rajende ap kai phub hi kek jaake har tu hal.

Jeremia 30:24

O baro Debleskri choli mukell gar tele, bis te kras lo, hoi les glan hi. I tsiro well, kai haiwenn tumer kowa.

Jeremia 48:47

I diwes well, kai krau me, te well i menshenge dran o them Moab pale lauter mishto, penell o baro Dewel. Kate herell pre, hoi o Jeremia pral o them Moab penas.

Ezekiel 28:3

Hi tchatcho, tu hal gosweder har o Daniel, un haiweh halauter.

Ezekiel 38:16

Un tu djah ap mire menshen Israel pre, un tire lurde tchakrenn o them har i wolka. An o palstuno tsiro well kowa jaake, te mukau tut pral miro them te well, te nai dikenn i menshe an wawar themma, koon me hom. Te dikenn le hoi krau tuha, Gog, haiwenn le, te hom me o Dewel.

Ezekiel 38:8

Bud bersha djan gomme trujel bis te wenn tumer khetne gole dino o kurepaske. Pal i rah tsiro djas tu tire lurdentsa an i them, hoi pal i kurepen pale newes kerdo was, un koleskre menshe dran bud themma khetne anlo wan, te djiwenn le ap i berge an Israel. I rah tsiro his kau them wi-meredo. Kanna wan leskre menshe win anlo dran bud themma, un djiwenn kote kek darjah.

Daniel 1:20

Un an hako koowa, hoi o baro rai lendar putchas, his jon deesh kope gosweder un haiwan budeder har i tsele durkepangre un drawepangre an i tsele themma, kai o Nebukadnezar baro rai his.

Daniel 10:14

Kanna wom me, te penap tuke, hoi tire menshenge djal an kol diwessa, kai wenna, un kanna gomme dur glan mende hi. Ninna kau dikepen well tchatcho an o tsiro, kai gomme dur krik hi.”

Daniel 2:18

te mangenn le o bolepaskro Debles, te well lo lenge latches, un te sikrell lo len ko khatedo koowa, jaake te wenn jon gar maredo khetne kol wawar sikle murshentsa an o them Babilonia.

Daniel 2:22

Job tchakrella pre un sikrell, hoi khatedo hi, un djinell, hoi an o tamlepen hi; pash leste hi kek tamlepen.

Daniel 2:44

Un an ko tsiro, kai kol bare raja djiwenna, krell o bolepaskro Dewel jek them, hoi an kek tsiro paash kerdo nai well. Kau them well an kek tsiro wawar menshendar dren lino. Leskro baro rai krell kol wawar rajengre themma paash, un leskri soor atchell hako tsireske.

Daniel 2:45

Kowa kamell ko bar te penell, hoi tu dikal, koles kek mensho witsras. Tu dikal, har was lo i berga tele un das koi figura dran saster, lolo saster, phubjakri tchik, rup un sonakai, an tikne kotja. Jaake mukell tut o baro Dewel te djinell, hoi pal kawa wella. Un kai suni penell o tchatchepen. Un hoi me penom, hoi kai suni kamell te penell, hi ninna tchatcho.”

Daniel 2:47

Un o baro rai penas ap o Daniel: “Tchatchepah tumaro Dewel hi o Dewel pral i tsele debla, un o rai pral i tsele bare raja ap kai phub. Job sikrell kowa, hoi khatedo his un kek djinas. Jaake nai penal tu menge, hoi koi suni kamas te penell.”

Daniel 4:5

Un o palstuno, koon glan mande was, his o Daniel, kowa kanna Beltsazar kharell pal o lab miro deblestar. Un an leste hi o ducho o bolepangre deblendar. Un ap leste penom:

Hosea 3:5

Pal ko tsiro wenn i Israelitarja palpale pash o baro Debleste, kai lengro Dewel hi, un pash lengro baro rajeste – jekeste dran o kheer David. Un trisslepah wenn le pash o baro Debleste. Un job well lenge latches an ko tsiro, hoi wella.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

4. Mose 24:14

Un kanna djau pash mire menshende. Glan kowa kamau tuke te penell, hoi kal menshe tire menshenge krenna an o tsiro, hoi wella!”

Mateo 6:9

Tumer te rakrenn o Debleha, penenn: Maro dad an o bolepen. Tiro lab well sharedo!

5. Mose 31:19

Un kanna, tchin an i liil kai gili, hoi tuke penau, un anenn lat lenge pashel, te nai giwenn le lat. Jaake te nai penau me, te dom len trad kai giljah.

5. Mose 4:30

An ko tsiro, hoi wella, kai ap tumende ko tselo koowa was, hoi tumenge penom, an kol djungele phare diwessa wenn tumer pale pash tumaro baro Debleste, un krenn, hoi job tumenge penell.

2. Timoteo 3:1

Kowa hunte djiness tu: Glan ko tsiro, kai i phub tele djala, well i pharo tsiro ap i menshende.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

2. Petro 3:3

Me kamau, te djinenn tumer, glan ko tsiro, kai o Jesus Kristo pale wella, wenna menshe pash tumende, kai san pral tumaro patsepen. Kolla djiwenn jaake har jon kamenna,

Debleskro tsiro 1:1

An kau liil hi kowa tchinlo, hoi o Dewel mukas o Jesus Kristes te dikell, te sikrell job peskre budepangren, hoi an i tikno tsiro hunte wella. Un o Jesus Kristo bitchras peskro bolepaskres pash mande, te sikrell lo mande kawa lauter. Me, o Johanni, hom leskro budepaskro