Daniel 2:25 - O Debleskro Drom 2021 (Sinte)

²⁵ Kote anas o Arjoch o Danieles sik pash o baro rajeste un penas ap leste: “Me hatsom i murshes mank kolende, kai wan pandlo dran o them Juda kate anlo. Kowa nai penell tuke, miro baro rai, hoi tiri suni kamell te penell.”

O Debleskro Lab 2024 (Sinte-Manouche)

²⁵ Kote anas o Aryok o Danieles sik pash o baro rayeste oun penas ap leste: “Me hatsom i morshes mank kolende, kay van pandlo dran o them Youda kate anlo. Kova nay penell touke, miro baro ray, hoy tiri souni kamell te penell.”

Daniel 2:25 ပူးပေါင်းရင်းမြစ်များ

1. Mose 41:14

Koi bitchras o baro rai jekes, te kharell job o Josefes. Un jon mukan les sik dran o stilepen win. Un job tchinas peskri tchor tele, riwas newe ripja ap peste un was pash o baro rajeste.

Nehemia 7:6

Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

Gosewe laba 24:11

Dja un le kolen dran o merepen win, kai wenn pandles ap koi platsa tserdedo, kai wenn le maredo. Rike kolen pale, kai koi djan.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

Daniel 1:6

Mank kol wi-rodede terne murshende dran o them Juda his: O Daniel, o Hananja, o Mishael un o Asarja.

Daniel 5:13

Un o Daniel was glan o baro rajeste anlo. Un o baro rai putchas lestar: “Hal tu o Daniel, jek kolendar, kai o baro rai, miro dad, pandles dran o them Juda peha anas?

Daniel 6:13

Un jon djan pash o baro rajeste un rakran leha pral ko lab, hoi mukas lo win gole te dell, un penan: “Maro baro rai, mukal tu gar sawe laba pre te tchinell, un tchiwal tiro lab koi tele, te well hakeno pash i lewe an i gruba witsedo, kai mangell an kal trijanda (30) diwessa, hoi wenn, i wawarestar tchomone un gar tutar, te wals i deblestar har ninna i menshestar?” Un o baro rai penas: “Awa, kowa hi tchatcho. Un ko lab hi gar pale te lell. Jaake hi o tchatchepen pash i Medarja un i Persarja.”