Daniel 2:20 - O Debleskro Drom 2021 (Sinte)

²⁰ un penas: Sharedo well o Dewel kanna un hako tsireske! Leske hi o goswepen un i soor.

O Debleskro Lab 2024 (Sinte-Manouche)

²⁰ oun penas: Sharedo vell o Devel kanna oun hako tsireske! Leske hi o gosvepen oun i zoor.

Daniel 2:20 ပူးပေါင်းရင်းမြစ်များ

1. Mose 14:20

Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

1. Rajengro liil 8:56

Sharedo well o baro Dewel! Job das peskre menshende i kotar phub, kai mer nai djiwah kek darjah, jaake har job kowa penas. Leskre tsele latche laba rikras job, har job penas menge dran o mui o Mosestar, koles leskro tchatcho wast his.

1. Familjakro liil 29:20

Un o David penas ap i tsele menshende, kai kote khetne his: “Sharenn tumaro baro Debles!” Koi sharan i tsele menshe o baro Debles, ko Debles lengre phurendar. Un jon djan ap pengre tchanga glan o baro Debleste un glan o baro rajeste,

2. Familjakro liil 20:21

Job rakras pes i menshentsa tele, un bitchras gipangre, te djan le glan i lurdende, an-rido an pengre shukar koola, un giwenn o baro Debleske koi gili: Parkrenn tumen pash o baro Debleste! Leskro latchepen hi an hako tsiro koi.

Nehemia 9:5

Un i Levitarja, o Jeshua, un o Kadmijel, un o Bani, un o Hashabneja, un o Sherebja, un o Hodija, un o Shebanja, un o Petachja penan: Stenn pre! Sharenn o baro Debles! Job hi tumaro Dewel. Sharenn les kanna un hako tsireske! Baro Dewel, hakeno te sharell tiro railo lab! Kek wawar lab hi jaake baro un railo har tiro lab.

Hiob 12:13

O Debles hi goswepen un ninna soor. Job haiwell halauter, un nai penell, hoi te well kerdo.

Debleskri gili 113:1

Sharedo well o baro Dewel! Sharenn o baro Debles, tumer, kai han leskre budepangre! Sharenn leskro lab!

Debleskri gili 113:2

Mu well o baro Debles sharedo kanna un hako tsireske!

Debleskri gili 115:18

Mer, i djide, sharah tut kanna un hako tsireske. Sharedo well o baro Dewel!

Debleskri gili 147:5

Baro hi o Dewel, maro rai, un les hi bari soor. Kowa lauter, hoi job an peskro goswepen krella, haiwah nai gar.

Debleskri gili 41:13

Me shunau ap tute miro tselo djijeha. Doleske rikreh tu miro djipen, un mukeh man te djiwell pash tute hako tsiro.

Debleskri gili 50:23

Kowa, kai pes pash mande parkrella, hi kowa, kai sharell man. Kowa hi o drom, kai sikrau leste, har latcho leske hom.”

Debleskri gili 62:11

Ma patsenn, te lenn brawlepen, te djan ap jekeste i sorjah pre! Ma patsenn, te krell tumen kowa brawelo, hoi tchoran! Ninna te wenn brawleder un brawleder, ma tchiwenn tumare djia pre!

Gosewe laba 8:14

Mire labentsa sikrau jekeste o drom, un krau leskre jaka pre. Djinau, hoi mishto un gar mishto hi, un man hi i soor.

Jeremia 32:19

Tu leh tuke baro koowa glan, un hoi kreh, hi sorelo. Un tire jakentsa dikeh i tsele dromma i menshendar, te dess hakenes pal kowa, har job djiwas un hoi lo kras.

Ezekiel 28:3

Hi tchatcho, tu hal gosweder har o Daniel, un haiweh halauter.

Mateo 6:13

Ma muk men tiro dromestar tele te djal! Le men dran o bengeskro wast win!

Judas 1:24

Maro Debles hi i soor, te rikrell lo tumen ap leskro drom, te hatsell lo kek doosh ap tumende ap ko diwes, kai han glan leste tardo, un dikenn leskro railepen, un han bachteles.

Debleskro tsiro 5:12

Un jon giwenn soreles: O terno bakro, hoi was maredo, kowa hi moldo, te well les i bari soor, ninna o brawlepen, un o goswepen, un o sharepen, un o railepen, un i gilja, hoi les hadenna, un bares krenna.