Daniel 2:12 - O Debleskro Drom 2021 (Sinte)

¹² Kote was o baro rai jaake chojedo, te penas lo, te wenn i tsele sikle mursha maredo an o them Babilonia.

O Debleskro Lab 2024 (Sinte-Manouche)

¹² Kote vas o baro ray yaake rhoyedo, te penas lo, te venn i tsele sikle morsha maredo an o them Babilonia.

Daniel 2:12 ပူးပေါင်းရင်းမြစ်များ

Hiob 5:2

Koon choirell pes pral halauter, hi dinelo. Leskri choli tassrell les. Koon peskri choli gar pale rikrell, hi narwelo. Job merell ap peskri choli.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Gosewe laba 16:14

I baro rai, kai choirell pes, nai bitchrell jekes an o merepen. Un i gosewo mursh krell lauter, te bistrell job peskri choli.

Gosewe laba 19:12

Har koi gole, hoi i lewo dell, hi i choli o baro rajestar. Un leskro latchepen hi har o brishin ap i phub, hoi krell lat pale sapeno.

Gosewe laba 20:2

I baro rai, te dell lo trad, palle hi kowa, har te dell i lewo gole. Kowa, kai leskri choli ap peste tserdell, nashrell peskro djipen.

Gosewe laba 29:22

I mursh, kai hako tsiro an i choli hi, sawo krell tchingepen, un anell bud doosh ap peste.

Daniel 2:24

Un o Daniel djas dren pash o Arjoch, koles o baro rai bitchras, te marell lo i siklen an o them Babilonia. Un o Daniel penas ap leste: “Ma mare i siklen dran Babilonia! An man pash o baro rajeste, te nai penap me leske, hoi leskri suni kamell te penell.”

Daniel 2:5

O baro rai penas ap lende: “Hi jaake har penom: Tumer hunte penenn mange i suni, un hoi koja kamell te penell. Te krenn tumer kowa gar, palle mukau me tumen an kotja te tchinell, un tumare khera tele te phagell.

Daniel 3:13

Un i bari choli tapras o Nebukadnezar. Un job penas, te anenn le kol triin murshen glan leste. Un i mursha wan glan leste anlo.

Daniel 3:19

Kote was o Nebukadnezar jaake pherdi choli, te was leskro mui lolo i choljatar pral o Shadrach, o Meshach un o Abed-Nego. Un job penas soreles, te well o bob efta kope jaake tateder kerdo, har glan ko tsiro.

Daniel 5:19

Doleske daran un trissan i menshe dran hako them un rakepen lestar. Un job maras, jaake har job kamas, un mukas koles te djiwell, kones job kamas, te atchell lo djido. Job hadas menshen un kras wawaren tikno, jaake har leske shukar his.

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Mateo 5:22

Me penau tumenge: Koon ap peskro phraleste chojedo hi, kowa hunte well glan o tchatchepaskro anlo. Un koon peskro phrales praassella, kowa hunte well glan i pralstune tchatchepangre anlo. Un koon penella: Dja tuke pash o bengeste! kowa wella an o bengeskri jag witsedo.