Daniel 12:2 - O Debleskro Drom 2021 (Sinte)

² Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

O Debleskro Lab 2024 (Sinte-Manouche)

² Oun boud kolendar, kay tel i phoub čiddo his oun sovan, kolla stenn pre, ko yek o djipaske, hoy gar pre herella, oun ko vavar i bari ladjake oun o praasepaske, hoy bouder gar pre herella.

Daniel 12:2 ပူးပေါင်းရင်းမြစ်များ

Gosewe laba 12:8

Kones gosewo koowa an o shero hi, kowa well sharedo. Kones dinelo koowa an o shero hi, ap koleste dikenn le tele.

Jesaja 26:19

Baro Dewel, muk tire mulen djides te well! Muk len pre te stell! Tumer, kai wan paskedo, stenn pre dran o sopen un denn gole i bachtjatar! Tu, baro Dewel, hal har brishin, hoi dell djipen ap i phub. Doleske dell i phub i mulen pale win.

Jesaja 66:24

Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

Jeremia 20:11

O baro Dewel hi pash mande un dell ap mande garda har i sorelo mursh. Doleske perenn kolla, kai man palla lenn un hunte tserdenn pen pale. Kowa, hoi len glan hi, nai krenn jon gar. Un wawar san pral lende. Hako tsiro hi kowa lenge i ladj un well lenge gar bistedo.

Ezekiel 37:12

Doleske pen lenge laba, hoi mandar wenna. Pen lenge: Kawa penell o baro Dewel, maro rai: Mire menshe, me krau tumare grufte pre. Un mukau tumen dran tumare grufte win te well. Un me anau tumen an o them Israel.

Hosea 13:14

Ginap me len win dran i soor, hoi o mulengro themes hi? Lap me len win dran o merepen? Tu, merepen, kai hi tut ko nasslepen, ap koleste i menshe merenn? Tu, mulengro them, kai hi tut ko pharo nasslepen, hoi anell i menshen pash tute? Kal menshe khaitenn man buder gar.

Mateo 25:46

Un kol tchilatche len i phagi hako tsireske. I latche lenn o djipen, hoi gar pre-herella.

Bičepangre 24:15

Me patsau ninna har jon, kai kolla, kai meran, pale djido wenna: kol latche un kol tchilatche.

Bičepangre 7:60

Un job peras ap i phub tele, un das pale gole: “Rai, le koi doosh lendar!” Har job kowa penas, meras lo.

Remarja 9:21

Kowa hi jaake har pash i mensheste, kai krell tchare un pirja dran jek kotar loli phub. Te kamell lo, krell lo i shukar tcharo, hoi bud moldo hi. Un te kamell lo, krell lo i wawar tcharo, kai tchiklo koowa dren tchiddo wella.

1. Tessalonikarja 4:14

Mer patsah, te meras o Jesus un stas i mulendar pale pre. Doleske djinah ninna, ap ko diwes, kai well o Jesus pale, anell o Dewel ninna kolen khetne leha, kai an o patsepen meran.

Debleskro tsiro 20:12

Un me dikom i mulen: i bare har i tikne. Jon his tardo glan o Debleskro beshepaskro. Un lila wan pre kerdo, kai tchinlo hi, hoi i menshe kran. Pale was ko djipaskro liil pre kerdo, kai kolla dren tchinlo hi, kai djiwenna hako tsiro. Un o tchatchepen was wi-rakedo pral kol tsele mulende jaake, har an i lila dren tchinlo hi.