Daniel 12:13 - O Debleskro Drom 2021 (Sinte)

¹³ Un tu, Daniel, atch o Debleha tiro tselo djipen! Un palle sob! Te hi kai phubjakro tsiro trujel, steh tu pale pre o djipaske un leh tiro brawlepen.”

O Debleskro Lab 2024 (Sinte-Manouche)

¹³ Oun tou, Daniel, ač o Debleha tiro tselo djipen! Oun palle sob! Te hi kay phoubyakro tsiro trouyel, steh tou pale pre o djipaske oun leh tiro bravlepen.”

Daniel 12:13 ပူးပေါင်းရင်းမြစ်များ

Debleskri gili 1:5

Ap ko diwes, kai i phagi win penlo wella, nai atchenn i tchilatche gar tardo. Un kolla, kai o Debleskro drom mukan, nai atchenn gar kote, kai kolla khetne wenna, kai an o tchatchepen tardo hi.

Debleskri gili 16:5

Tu, baro Dewel, hal miro brawlepen, un deh man lauter, hoi man hunte well djipaske. Miro tselo djipen hi an tiro wast.

Debleskri gili 16:9

Doleske hi miro dji bachtelo, un halauter an mande stell i bachtjatar. Awa, me nai tchiwau man tele kek darjah.

2. Mose 33:14

O Dewel penas: “Me djau glan tute un anau tut an i them, kai tu khere hal.”

Daniel 12:3

Un kolla, kai haiwan o Debleskro drom, hi har i momeli ap o bolepen. Un kolla, kai sikran i wawarende o tchatcho drom, hi har i bolepangre momlia hako tsireske.

Daniel 12:4

Un tu Daniel, rike kau lab khatemen. Un pande i dori trul kau liil un tchip tiro sikepen pre, te nai krell les kek pre, bis ko tsiro wella, kai i phub buder gar rah koi hi. Palle rodenn bud koi dren un haiwenn bud un budeder.

Zakarie 3:7

Kowa penell o baro Dewel, ko rai pral o bolepen un i phub: Te djah tu ap mire dromma, un kreh koi budi mishto, hoi dom tute, palle wess o pralstuno pral miro kheer un kol glanstune platse. Un tu nai weh glan mande khetne kolentsa, kai kate tardo hi.

Mateo 19:28

Penas o Jesus ap lende: “Tchatchepah, me penau tumenge: Ko tsiro wella, kai o Dewel lauter newes krella. Ap ko tsiro hi o Mensheskro Tchawo o rai pral lauterende, un job hi beshdo ap peskro rajeskro beshepaskro. Un tumer, kai mantsa djana, tumer wenn ninna raja, un han beshdo ap deesh-te-dui rajeskre beshepangre, un rakrenn o tchatchepen win pral i tsele menshende, kai wenna i deesh-te-dui Israeleskre tchawendar.

Louka 21:36

Denn jak hako tsiro! Mangenn o Deblestar, te wenn tumer sorelo an o patsepen tardo, un wenn mishto win dran ko tchilatcho tsiro, hoi wella! Jaake hunte trashenn tumer gar o Menshengro Tchawestar, te well lo pale.”

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

2. Tessalonikarja 1:7

Tumer, kai wenn kanna palla lino, tumen dell lo i bari bacht. Kowa dell lo tumen mentsa khetne ap ko diwes, kai well maro rai Jesus pale dran o bolepen, un lauter dikenn les. Leskre sorele bolepangre wenn leha,

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”