Daniel 11:7 - O Debleskro Drom 2021 (Sinte)

⁷ An ko tsiro stell jek lakre menshendar pre un well rai pal leskro dadeste. Un job djal pre an o kurepen kol lurdentsa o rajestar pral o them Syria. Un well pash koleskro baro sorelo kheer un phagell an leste dren, un well o sorleder.

O Debleskro Lab 2024 (Sinte-Manouche)

⁷ An ko tsiro stell yek lakre menshendar pre oun vell ray pal leskro dadeste. Oun yob djal pre an o kourepen kol lourdentsa o rayestar pral o them Syria. Oun vell pash koleskro baro zorelo kheer oun phagell an leste dren, oun vell o zorleder.

Daniel 11:7 ပူးပေါင်းရင်းမြစ်များ

Hiob 14:7

Te dell jek i ruk tele, hi leske gar lauter trujel. Dran leste nai wenn pale newe tikne kashta win, un wenn bud un budeder.

Debleskri gili 109:8

Muk les sik te merell, un leskri budi te lell i wawar dren.

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jeremia 12:2

Jon hi har ruka, kai tu tchiwal an i phub. Jon wan baro un sorelo, un hidjrenn bud rukengre. Lengro mui rakrell latchepen tutar, lengro dji hi dur tutar krik.

Ezekiel 17:18

O rai pral Juda phagas peskri sowel. Un kowa, hoi lo win kras ko baro rajeha dran Babilonia, un ap kowa job peskro wast das, rikras lo gar dren. Kau tselo koowa kras job. Doleske well lo gar win lino dran i bibacht.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Daniel 11:6

Un bersha pre krenn le penge win, te tchiwenn le pen khetne. Un o baro rai pral o them Egiptia bitchrell peskri tchat pre pash o baro rajeste pral o them Syria, te romedinerell li les. Ninna te krenn le kowa, te well lengro malepen soreles kerdo, nashrell joi peskri soor. Un ninna job un lengro tchawo atchenn gar. Un joi perell an wawarengre wasta khetne kolentsa, kai anan lat kote. Un lakro dad un lakro rom hunte merenn ninna.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”