Daniel 11:6 - O Debleskro Drom 2021 (Sinte)

⁶ Un bersha pre krenn le penge win, te tchiwenn le pen khetne. Un o baro rai pral o them Egiptia bitchrell peskri tchat pre pash o baro rajeste pral o them Syria, te romedinerell li les. Ninna te krenn le kowa, te well lengro malepen soreles kerdo, nashrell joi peskri soor. Un ninna job un lengro tchawo atchenn gar. Un joi perell an wawarengre wasta khetne kolentsa, kai anan lat kote. Un lakro dad un lakro rom hunte merenn ninna.

O Debleskro Lab 2024 (Sinte-Manouche)

⁶ Oun bersha pre krenn le penge vin, te čivenn le pen khetne. Oun o baro ray pral o them Egiptia bičrell peskri čat pre pash o baro rayeste pral o them Syria, te romedinerell li les. Ninna te krenn le kova, te vell lengro malepen zoreles kerdo, nashrell yoy peskri zoor. Oun ninna yob oun lengro čavo ačenn gar. Oun yoy perell an vavarengre vasta khetne kolentsa, kay anan lat kote. Oun lakro dad oun lakro rom hounte merenn ninna.

Daniel 11:6 ပူးပေါင်းရင်းမြစ်များ

Hiob 38:15

Te well diwes, nai krenn i tchilatche buder kek tchilatcho koowa an o tamlepen, un nai dukrenn buder gar wawar menshen.

Debleskri gili 10:5

Lauter djal leske, har job kamella. Te deh tu leste i phagi, patsell lo kowa gar, jaake dur hal tu lestar krik. Job tchungrell ap lauterende, kai leske an o drom tardo hi.

Ezekiel 30:21

Tu, mensho, me phagom i mussi o baro rajestar pral Egiptia, kai Farao kharedo well. Kek pandas leske i diklo trul i mussi, te well koi mussi pale sasto un sorelo, un nai rikrell i charo.

Daniel 11:13

An i bersha, kai wenna, anell o baro rai pral o them Syria pale bud lurden khetne, budeder har ko wawar kopo. Un palle djal lo win an o kurepen bud sorele lurdentsa. Kolen hi halauter pash pende, hoi len hunte well i latcho kurepaske.

Daniel 11:15

Un ko baro rai pral o them Syria mukell tchik dran i phub win te hadell un trul i sorelo foro pre te tchiwell, te nai lell lo les dren. Un kol lurde o egiptikro rajestar hi gar soreles doha, te rikrenn le ko foro. Ninna leskre wi-rodede kurepangre hi gar soreles doha, te rikrenn le i Syrarjen pre.

Daniel 11:40

Un an ko tsiro, kai i phub buder gar rah koi hi, djal o baro rai pral o them Egiptia ap leste pre. Un o baro rai pral o them Syria dell i sorjah pale, un well peskre kurepangre wurdjentsa un peskre lurdentsa, kai ap i graja klissenna un bud shiffe. Un sorjah perell lo an i themma dren; har i baro sorelo pani well lo pral lende.

Daniel 11:7

An ko tsiro stell jek lakre menshendar pre un well rai pal leskro dadeste. Un job djal pre an o kurepen kol lurdentsa o rajestar pral o them Syria. Un well pash koleskro baro sorelo kheer un phagell an leste dren, un well o sorleder.

Zakarie 11:16

Tchatchepah, me bitchrau i bakrengro an o them, kai dikell gar pal i bakre, kai hi nashedo. Witar gar rodell lo kolen, kai nashran pen. Kolenge, kai dukran pen, well lo gar ap i rig. Un leske hi jek, te well i sasten doha te chal un te pijell. I thulle bakren marell lo peske, un tserdell lenge ninna i pire win.