Daniel 11:43 - O Debleskro Drom 2021 (Sinte)

⁴³ O tselo brawlepen an o them Egiptia, o sonakai un o rup un o tselo kutch koowa perell an leskro wast. Un menshe dran i themma Libia un Kush hunte djan leske palla, un hunte budrenn leske.

O Debleskro Lab 2024 (Sinte-Manouche)

⁴³ O tselo bravlepen an o them Egiptia, o sonakay oun o roup oun o tselo kouč koova perell an leskro vast. Oun menshe dran i themma Libia oun Koush hounte djan leske palla, oun hounte boudrenn leske.

Daniel 11:43 ပူးပေါင်းရင်းမြစ်များ

2. Familjakro liil 12:3

Pash o Shishak his 1.200 (jek-sero-dui-sheel) kurepangre wurdja un 60.000 (shob-deesh-serja) klissepangre. Un kol lurde, kai khetne leha wan dran o them Egiptia, his jaake bud, te hatsas kek win, kitse jon hi. Kolla his Libjarja, Sukkijarja un sawe dran o them Kush.

2. Mose 11:8

Palle wenna tire pralstune lauter pash mande un witsrenn pen glan mire pire tele un mangenn man an un penenn: ‘Djan tumenge, tu un tire tsele menshe, djan!’ Un palle djah mer menge.” Un mulo chojedo djas o Mose peske dran o Faraeskro kheer win.

Ezekiel 38:5

Mank lende hi lurde dran Persia, Etiopia, un Libia pengre sasterne stadjentsa un pengre shiltentsa.

Daniel 11:42

Un job tchiwell peskro wast ap o them Egiptia, un o them Egiptia nai krell tchi.

Daniel 11:44

Palle shunell lo, hoi rakedo well kolestar, hoi djas an o them, kai glan leste hi, kote kai o kham pre djal, un an ko them, kai serwes lestar hi. Un ko rakepen krell leske daar. Un i bari choljah djal lo win, te dell lo bud menshen mulo.

Nahum 3:9

Bud bud Egiptarja un lurde dran Etiopia kuran pen kau foreske. Koi pashel wan lurde dran i themma Put un Libia ap lengri rig.

Čačepangre 4:10

Un o Barak das i murshen gole dran i khera Sebulon un Naftali, te wenn le an o foro Kedesh khetne. Un 10.000 (deesh-serja) mursha djan leske palla. Un ninna i Debora djas leha.