Daniel 11:4 - O Debleskro Drom 2021 (Sinte)

⁴ Ap ko tsiro, kai was lo baro, phagell leskro them an star kotja – pal kol star bolepangre rigja. Kek kal star tikneder themma well jaake sorelo har leskro them his. Un kek leskre tchawendar lell tchomone kolestar. Na-a, leskri rajeskri soor was paash un was ap wawarende dureder dino.

O Debleskro Lab 2024 (Sinte-Manouche)

⁴ Ap ko tsiro, kay vas lo baro, phagell leskro them an star kotya – pal kol star bolepangre rigya. Kek kal star tikneder themma vell yaake zorelo har leskro them his. Oun kek leskre čavendar lell čomone kolestar. Na-a, leskri rayeskri zoor vas paash oun vas ap vavarende doureder dino.

Daniel 11:4 ပူးပေါင်းရင်းမြစ်များ

Debleskri gili 39:6

Miro djipen hi jaake tikno har i wast buchlo hi. Kowa hi har tchi pash tute. Har sorelo i mensho ninna tardo hi, leskro djipen hi har i ducho.

Sikepaskro 4:8

Kote hi jek kokres, un kek hi pash leste. Kek tchawo hi les un kek phraal. Un job budrell un budrella, te well lo brawelo. Job hunte putchals pestar: Koneske budrau man tele, un mukau les mange gar mishto te djal? Sawo koowa hi phares te haiwell un i bibacht.

Jeremia 12:15

Pal kowa, kai anom kol wawar menshen dran lengro them, krau me lenge miro dji pale pre, un anau len pale an lengro them, kote, kai jon glan ko tsiro djiwan.

Jeremia 12:17

Te hi jek natsjona koi, hoi kamell gar ap mande te shunell, lau lake lakro them hako tsireske krik, un kai natsjona djal tel. Kowa penell o baro Dewel.

Jeremia 18:7

Nai well i tsiro, kai penau me i menshenge an i rajeskro them, te lap len win dran lengro them, phagap ko them tele un krap les paash.

Jeremia 31:40

Un koi tseli tala, kai i mule paskedo hi, un i jagakri tchik win tchoredo was, tele bis pash o pani Kidron, pral bis pash o grajengro wudar, hoi ap koi rig hi, kai o kham pre djal, koi tseli tala hi o baro Debleske. Un ko foro well buder gar tele phagedo un paash kerdo – an kek tsiro.

Jeremia 45:4

Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

Jeremia 49:36

Hake star rigjendar mukau i phurdepen te well, hoi well pral lende, un tradell len ap hake rigja, jaake te hi kek them ap kai phub, kai hi kek menshe dran o them Elam tradedo.

Ezekiel 37:9

Un o baro Dewel penas ap mande: Tu, mensho, rake laba win, hoi mandar wenna! Pen ap o ducho: Kawa penell o baro Dewel, maro rai: Tu ducho, ab dran hake rigja, un phurde ap kol marede menshende, te wenn le djido!

Daniel 7:2

Me, o Daniel, dikom i dikepen an i rati: I baro ducho was dran i star rigja i phubjatar un phurdas pral o baro pani, te was lo diwjo.

Daniel 7:6

Un pal kowa dikom i wawar vieches, hoi win dikas har i bari margodja. Koles his star tchirklengre mussja ap peskro dumo. Un ko vieches his star sherja un les was bari soor dino pral i menshende.

Daniel 7:8

Un har me jaake ap kol deesh shinga jak dom, was i tikno wawar shing pre mashkral kol wawar shinga. Un triin lendar wan glan leste win tserdedo. Ap ko shing his jaka har menshengre jaka, un i mui, hoi baro koowa rakras.

Daniel 8:22

Un kol star shinga, kai wan baro, har ko ersto tele phagas, kolla hi star rajengre themma, kai wenn dran ko jek rajeskro them. Kol star hi gar jaake sorele har ko ersto.

Daniel 8:8

Un koi mursh busni was bareder un bareder. Un har koi busni jaake sorelo was, phagas ko jek shing tele, un star wawar shinga wan kote win, kai glanstunes ko jek his. Un hako shing sikras ap i wawar rig: glan un pal, tchatches un serwes.

Zakarie 2:6

Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”

Zakarie 6:5

Un o bolepaskro penas: “Kolla hi kol star duche tel o bolepen, kolla his tardo glan o rajeste pral i tseli phub, un wenn kanna win.”

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.

Louka 12:20

O Dewel penell ap leste: Tu dinelo! Kai rat hunte meress tu. Koon lell tiro tselo brawlepen, hoi tu tuke khetne anal?”

Debleskro tsiro 7:1

Un pal kowa dikom me star bolepangren. Kolla his tardo ap kol star rigja i phubjatar, un rikran ko sorelo ducho pale, hoi phurdell dran hake star rigja pral i phub. Jon rikran les pale, te phurdell lo gar pral i phub, witar gar pral o baro pani, witar gar pral i tsele ruka.