Daniel 11:33 - O Debleskro Drom 2021 (Sinte)

³³ Un kolla, kai gosewo hi mank lende, sikrenn budende o tchatcho drom. Doleske wenn le i tikno tsiro palla lino, un o chareha maredo un jagah chatchedo, un an o stilepen witsedo. Un kowa hoi lengro his, well lenge krik lino.

O Debleskro Lab 2024 (Sinte-Manouche)

³³ Oun kolla, kay gosevo hi mank lende, sikrenn boudende o čačo drom. Doleske venn le i tikno tsiro palla lino, oun o rhareha maredo oun yagah rhačedo, oun an o stilepen vitsedo. Oun kova hoy lengro his, vell lenge krik lino.

Daniel 11:33 ပူးပေါင်းရင်းမြစ်များ

Daniel 12:10

I djia bud menshendar wenn djudjo kerdo un wenn thodo, har sonakai an i jag thodo well. Un i tchilatche krenn dureder o tchilatchepen. un haiwenn kau koowa gar. Kokres kolla, kai o Debleskro drom prindjrenna, haiwenn ninna kau koowa.

Maleachi 2:7

Kowa hi i rashajengri budi: Jon hunte penenn o Debleskro lab an o tchatchepen, te nai djan i menshe pash lende, te kamenn le te djinell, hoi o baro Dewel lendar kamella. I rashaja hi i bitchepangre o baro Deblestar, ko rajestar pral o bolepen un i phub.

Mateo 10:21

Ap ko tsiro dell i phraal peskro phrales an lengre wasta, te well lo maredo. Un o dad dell o tchawes an lengre wasta, te well job maredo. Un i tchawe hi midjak ap pengre dadende un pengre dajende, un denn len an i wasta kolendar, kai marenn len.

Mateo 13:11

Penas lo ap lende: O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. I wawar menshe haiwenn kowa gar.

Mateo 20:23

“Hi tchatcho,” penas lo, “tumer hunte lenna bud duka ap tumende, jaake har me hunte lap len ap mande. Ninna te hi jaake, nai penau tumenge gar, koon beshell ap miri tchatchi rig un ap miri serwi rig. Kowa hi gar an miro wast. Miro dad an o bolepen rodas kolen win, kai ap miri rig beshenna.”

Mateo 24:9

Palle taprenn le tumen, denn tumen dawa, un marenn tumen. Un i menshe an i tsele themma wenna chojedo ap tumende doleske, kai patsenn tumer ap mande.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Bičepangre 11:26

Har o Barnabas les hatsas, anas lo les an o foro Antiochia. Un kol dui atchan i tselo bersh kote pash i patslende, un penan bud menshenge o Debleskro lab. Kote dan jon i patslen ko lab Kriste.

Bičepangre 14:21

An ko foro penan le o latcho lab o Jesus Kristestar, un bud menshe wan patslo. Palle djan jon pale an kol forja Listra, Ikonion un Antiochia,

1. Korintarja 4:9

Mer, kai ham o Jesus Kristeskre bitchepangre, menge hi jaake, har te anals men o Dewel kote, kai ham tchi moldo an i menshengre jaka. Mer ham har i kurepangre, kai hunte kurenn pen, bis te wenn le mulo dino. Un i menshe un i bolepangre dikenn kowa.

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

2. Timoteo 4:6

Miro djipen hi har i pipen, hoi well win tchoredo o Debleske. O tsiro was, kai hunte merap.

Hebrearja 11:34

Wawar wan an i jag witsedo, un i jag nai chatchan len gar. Wawaren kaman i menshe i chareha te marell, un jon nai nashan penge. Kolla, kai kek soor buder an lende his, kolen kras o Dewel soreles. An o kurepen lan le i soor, te tradan le i wawar lurden krik.

Debleskro tsiro 1:9

Me, o Johanni, hom tumaro phraal an o patsepen ap o Jesuseste. Job hi miro baro rai, har job tumaro baro rai hi. Jaake har tumer wenn leske palla lino, wom me ninna leske palla lino, un dom miro patsepen gar pre. Me penom i menshenge o Debleskro lab, un sikrom lende o Jesuseskro drom. Doleske wom stildo un anlo ap ko them Patmos, kai an o baro pani tchiddo hi.

Debleskro tsiro 17:6

Un me dikom, kai koi djuwel mato his o ratestar, hoi nashas, har o Debleskre menshe maredo wan, kolla, kai patsan ap o Jesuseste un dan pengro patsepen gar pre. Un me nashte patsom gar, hoi dikom.

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.

Debleskro tsiro 6:9

Un o terno bakro pandas i pantchti dori pre, hoi rikras ko liil khetne. Un me dikom kol tsele menshen, kai rikran soreles ap o Debleskro lab, un sikran i menshende o Debleskro drom, un wan doleske maredo. Jon his tardo pash o Debleskri chatchepaskri.

Debleskro tsiro 7:14

Un me penom ap leste: “Miro rai, tu djineh les.” Un job penas ap mande: “Kolla wan soreles palla lino, un wan win dran ko pharo tsiro. Un jon thowan pengre ripja, un kran len parno an o terno bakreskro rat.”