Daniel 11:30 - O Debleskro Drom 2021 (Sinte)

³⁰ Kotar, kai o panjeskro them Kittim hi, wenna shiffe un djan jaake khatar leste, te taprell les i daar. Un job djal pale. Palle well lo chojedo ap o Debleskre menshende un lengro patsepen un krell lenge tchilatchepen, un tchiwell pes kolentsa khetne, kai o Debleskro drom mukan.

O Debleskro Lab 2024 (Sinte-Manouche)

³⁰ Kotar, kay o panyeskro them Kittim hi, venna shiffe oun djan yaake khatar leste, te taprell les i daar. Oun yob djal pale. Palle vell lo rhoyedo ap o Debleskre menshende oun lengro patsepen oun krell lenge čilačepen, oun čivell pes kolentsa khetne, kay o Debleskro drom moukan.

Daniel 11:30 ပူးပေါင်းရင်းမြစ်များ

1. Mose 10:4

I menshe, kai wan pal o Jawan, hi o Elisha, o Tarsis, i Kitarja un Rodanarja.

1. Familjakro liil 1:7

O Jawan: leskre tchawe his: o Elisha, o Tarsis, i Kitarja un i Rodanarja.

Nehemia 6:12

Me haiwom, koles bitchras gar o Dewel! His o Tobija un o Sanballat, kai dan les lowe, te penell job sau koowa mange,

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

Jeremia 2:10

Djan pral o baro pani pash i panjeskre themma, kai kol Kitarja djiwenn, un dikenn tumen trujel! Bitchrenn murshen an o them Kedar un lenn i menshen kote ninna an o jak! Krenn jon sawo koowa har tumer kran?

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Daniel 11:28

Un ko baro rai dran o them Syria krell pes ap o drom, te djal lo pale khere an peskro them, un lell i baro brawlepen peha. Un job rodell, har te krell lo o patsepen o Debleskre menshendar paash. Un ap o drom khere krell lo, hoi las lo pes glan. Un palle djal lo an peskro them pale.

Daniel 11:29

Pal jek tsiro djal lo pale an o them Egiptia. Kau kopo hi gar jaake har o ersto kopo.

Daniel 7:25

Un job praassell o pralstuno Debles un tchiwell pharo koowa ap o Debleskre menshende. Un krell lauter, te wenn o Debleskre diwessa un laba wawartchandes rikedo. Un o Debleskre menshe wenn an leskro wast dino jek tsireske un dui tsirenge un i paash tsireske.

4. Mose 24:24

Un shiffe wenna dran o them Kittim un anenn lurden, kai perenn an i themma Assur un Eber. Pal halauter djal ninna Kittim paash.”

Mateo 24:10

Un bud denn pengro patsepen ap mande pre, un phukrenn ninna ap i wawarende, kai ap mande patsenna, un jek krell o wawareske tchilatchepen.

Debleskro tsiro 12:12

Lauter kolla, kai djiwenna an o bolepen, lengro dji dell gole i bachtjatar. Kol wawar, kai djiwenn ap i phub un ap o baro pani, i bibacht well ap lende. Pash lende was o beng. Leske atchell gar bud tsiro. Kowa djinell lo. Doleske hi les i bari choli.