Daniel 11:23 - O Debleskro Drom 2021 (Sinte)

²³ Pal kowa job pes wawar rajentsa maal kras, chochell lo len, un djal pash lende pre, un well sorleder un sorleder, ninna te hi les gar bud mursha pash peste.

O Debleskro Lab 2024 (Sinte-Manouche)

²³ Pal kova yob pes vavar rayentsa maal kras, rhorhell lo len, oun djal pash lende pre, oun vell zorleder oun zorleder, ninna te hi les gar boud morsha pash peste.

Daniel 11:23 ပူးပေါင်းရင်းမြစ်များ

1. Mose 34:13

Koi rakran o Jakobeskre tchawe chochepah kol dui murshentsa, o Sichem un leskro dadeha Hamor doleske, kai tapras o Sichem lengri phenjat i sorjah an. Un jon penan:

Debleskri gili 52:2

har o Doeg, ko mursh dran o them Edom, pash o Saul was, un leske penas: “O David hi pash o Ahimelech.”

Gosewe laba 11:18

I tchilatcho mensho lell peske sau koowa khetne, hoi leske gar atchell. Koon an o tchatchepen peskri budi krell, lell i plaissepen, hoi atchell.

Daniel 11:22

Un kol lurde, kai har bare panja ap leste djan, thowell lo pestar tele, har te wans le tchi. Un ninna marell lo i rajes, kai hi o pralstuno pral o Debleskre menshende.

Daniel 11:24

Un pokones perell lo dren an i brawele forja o themestar, un tchorell len win, un dell kolen, kai leha djan, ko tselo brawlepastar, hoi jon kote lan. Un sawo koowa, har job krell, kras kek leskre phurendar glan leste. Un ninna kol sorleder forja kamell lo an peskro wast te lell. Kowa djal leske i tikno tsiro kokres.

Daniel 8:24

Un les well bud penepaske, ninna te well leskri soor gar dran leste. Un job anell sawi bari bibacht, te nai patsenn le les gar. Lauter, hoi lell lo an o wast, djal leske mishto. Ninna i sorelen dell lo mulo. Un o Debleskre menshen taprell lo an.

Daniel 8:25

Peskro goswepah chochell lo bud menshen. Un job phurdell pes pre un djal ap budende un marell kolen, kai patsenn, te krell lo lenge tchi. Un ninna hadell lo pes pral o pralstuno rajeste. Un palle well job phagedo kek mensheskro wasteha.

Remarja 1:29

Jon hi pherdo tchilatchepen, djunglepen, ninna bok pal i lowe. Jon hi tchilatcho un silwerenn, tchingrenn, chochenn, marenn, un dukrenn i wawaren. Jon rakrenn djungeles pral i wawarende,

2. Korintarja 11:3

Me darau, te was wawar koowa an tumaro shero, un tumer djiwenn buder gar djudjes un kokres o Jesus Kristeske. Me darau, te djas tumenge har i Evake, har o gosewo sap chochras lat, un joi mukas o tchatcho drom.

2. Tessalonikarja 2:9

Ap ko tsiro, kai well o tchilatcho mensho, lell lo peskri soor o bengestar, un krell bud chocheno baro un sorelo koowa.