Daniel 11:16 - O Debleskro Drom 2021 (Sinte)

¹⁶ Un ko baro rai dran o them Syria krell lentsa, hoi job kamell. Un kek nai atchell glan leste tardo. Un job peskre lurdentsa well ninna an o railo them, un stakrell les khetne.

O Debleskro Lab 2024 (Sinte-Manouche)

¹⁶ Oun ko baro ray dran o them Syria krell lentsa, hoy yob kamell. Oun kek nay ačell glan leste tardo. Oun yob peskre lourdentsa vell ninna an o raylo them, oun stakrell les khetne.

Daniel 11:16 ပူးပေါင်းရင်းမြစ်များ

Jesaja 8:8

Un jon wenna an o them Juda dren, har pani hoi dren phagell, un hoi bis pash i meen pre djal. O Dewel hi pash mende! Leskre mussja hi pral mende jaake dur har o them buchlo hi.

Jeremia 3:19

Me, o baro Dewel penom, har nai rikrau me tut, har te wess tu miro tchawo? Kamoms te dap tut ko latcho them, ko shukester kotar them i tsele themendar. Un patsom, tu peness palle ap mande ‘kamlo tata’, un djals buder gar mandar krik.

Daniel 11:3

Palle stell i sorelo baro rai pre, koles bud penepaske hi. Kowa krell, hoi job kamell.

Daniel 11:36

Un ko baro rai krell, hoi job kamell. Job hadell pes un patsell, te hi lo bareder har hako dewel. Ninna pral o pralstuno Debleste rakrell lo sawo koowa, hoi nai rakrell kek win. Un kowa krell lo jek tsireske, un djal leske mishto, bis te well o Debleskri choli pral leste. Palle krell o Dewel, hoi las lo pes glan.

Daniel 11:41

Un job perell dren an o railo them. Un bud merenn kote. Kalla, kai nashenn dran leskro wast, hi i menshe dran i themma Edom un Moab, un i pralstune i menshendar dran o them Ammon.

Daniel 11:45

Un job tchiwell peskre kutch plachtene khera pre mashkral o baro pani un o Debleskri berga. Un kote well leske o merepen, un kek well ap leskri rig.

Daniel 5:19

Doleske daran un trissan i menshe dran hako them un rakepen lestar. Un job maras, jaake har job kamas, un mukas koles te djiwell, kones job kamas, te atchell lo djido. Job hadas menshen un kras wawaren tikno, jaake har leske shukar his.

Daniel 8:4

Un me dikom, har das ko bakro peskre shingentsa ap kol triin rigja: kote, kai o kham tele djal, un kote, kai o kham gar well, un kote, kai lo pralstunes tardo hi. Un kek viecho his sorleder har ko bakro. Un koon an leskre wasta peras, koles nai las kek win. Un ko bakro kras, hoi job kamas, un was pre-phurdo.

Daniel 8:7

das les an peskri bari choli, un phagas ko bakreske leskre shinga tele. Un an ko bakro his buder kek soor, te atchell lo tardo. Un koi mursh busni witsras ko bakres tel peste, un stakras les khetne. Un kek was leske ap i rig.

Daniel 8:9

Un dran jek lendar was jek wawar tikno shing win. Kowa was bareder un bareder un sikras ap koi rig, kai o kham pralstunes tardo hi, un palle ap koi rig, kai o kham pre djal, un palle ap koi rig, kai o railo them hi.

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.