Daniel 11:15 - O Debleskro Drom 2021 (Sinte)

¹⁵ Un ko baro rai pral o them Syria mukell tchik dran i phub win te hadell un trul i sorelo foro pre te tchiwell, te nai lell lo les dren. Un kol lurde o egiptikro rajestar hi gar soreles doha, te rikrenn le ko foro. Ninna leskre wi-rodede kurepangre hi gar soreles doha, te rikrenn le i Syrarjen pre.

O Debleskro Lab 2024 (Sinte-Manouche)

¹⁵ Oun ko baro ray pral o them Syria moukell čik dran i phoub vin te hadell oun troul i zorelo foro pre te čivell, te nay lell lo les dren. Oun kol lourde o egiptikro rayestar hi gar zoreles doha, te rikrenn le ko foro. Ninna leskre vi-rodede kourepangre hi gar zoreles doha, te rikrenn le i Syraryen pre.

Daniel 11:15 ပူးပေါင်းရင်းမြစ်များ

Jeremia 33:4

O baro Dewel, kai o Israeleskro Dewel hi, penell pral i khera an kau foro un pral kol khera i bare rajendar pral o them Juda, hoi phagan le tele, te krenn le o foreskre massurja lentsa sorleder un bareder, te nai wenn gar i Babilonarja pral pengre pre-tchidde dromma an o foro dren.

Jeremia 5:10

Nashenn pre, kai lengre drakengre ruka tardo hi, un krenn len paash! Ma tserdenn i tsele burra win! Mukenn tchomone tardo! Tserdenn i kashta i drakentsa win, kolla hi gar mange.

Jeremia 52:4

Har o Zedekja an o enjato bersh baro rai his, was o baro rai pral o them Babilonia, o Nebukadnezar, peskre tsele lurdentsa glan o foro Jerusalem. Kowa his ap o deshto diwes an o deshto tchon. Un job tchiwas peskre lurden trul o tselo foro, un mukas tchik pre te witsrell trul o foro, te krell lo i drom, hoi djal pral ap o foreskri massuri.

Jeremia 6:6

Kawa penell o baro Dewel, o rai pral o bolepen un i phub: Denn i ruka tele an o foro Jerusalem, un krenn i drom, hoi djal pre ap o foreskri massuri o forestar Jerusalem! An kau foro hi tchi har tchilatchepen dren. Doleske lell lo peskri phagi.

Ezekiel 17:17

Un o Farao peskre bud lurdentsa well witar gar ap leskri rig, ap ko tsiro, kai hunte kurell lo pes. I Babilonarja wenna, un tchiwenn bud tchik pre win trul o foreskri massuri, te nai djan le koi pral ap o foreskri massuri pre. Un jon krenn turme, te denn le karje tele an o foro, jaake te marenn le bud menshen.

Ezekiel 4:2

Kau barreha sike, har ko foro dren lino well! Kre bare turme trul leste, un tchip tchik khetne, te kress i drom, hoi djal ap o foreskre massurja pre. Tchip lurden trul o foro trujel! Un tchip bare pesse rukengre kotja pash i massurja trul o foro, kolentsa i massurja paash dino wenn.

Daniel 11:14

Un an ko tsiro hadenn pen bud menshe pre ap o baro rajeste pral o them Egiptia. Un ninna diwje mursha tire menshendar stenn pre khatar leste, te well kowa tchatcho, hoi was diklo an i dikepen. Un kowa hi lengri bibacht.

Daniel 11:6

Un bersha pre krenn le penge win, te tchiwenn le pen khetne. Un o baro rai pral o them Egiptia bitchrell peskri tchat pre pash o baro rajeste pral o them Syria, te romedinerell li les. Ninna te krenn le kowa, te well lengro malepen soreles kerdo, nashrell joi peskri soor. Un ninna job un lengro tchawo atchenn gar. Un joi perell an wawarengre wasta khetne kolentsa, kai anan lat kote. Un lakro dad un lakro rom hunte merenn ninna.

Daniel 8:7

das les an peskri bari choli, un phagas ko bakreske leskre shinga tele. Un an ko bakro his buder kek soor, te atchell lo tardo. Un koi mursh busni witsras ko bakres tel peste, un stakras les khetne. Un kek was leske ap i rig.

Josua 1:5

Kek nai well sorleder har tu, jaake rah har tu djiweh. Jaake har me o Moseha homs, jaake wau me tuha. Me mukau tut gar, un me djau gar tutar.