Daniel 11:10 - O Debleskro Drom 2021 (Sinte)

¹⁰ Un leskre tchawe djan an o kurepen, un anenn bud bud lurden khetne. Un jek lendar well har i sorelo pani pral o them, un djal kau kopo glan bis pash o sorelo foro o wawar baro rajestar.

O Debleskro Lab 2024 (Sinte-Manouche)

¹⁰ Oun leskre čave djan an o kourepen, oun anenn boud boud lourden khetne. Oun yek lendar vell har i zorelo pani pral o them, oun djal kava kopo glan bis pash o zorelo foro o vavar baro rayestar.

Daniel 11:10 ပူးပေါင်းရင်းမြစ်များ

Jesaja 25:12

Un kol sorele bare khera an o them Moab phagell o Dewel tele, un dell len khetne, te perenn le tele an i tchik.

Jeremia 51:42

I baro pani was pral o foro Babilon, sorele panja tchakran o foro tel pende.

Daniel 11:22

Un kol lurde, kai har bare panja ap leste djan, thowell lo pestar tele, har te wans le tchi. Un ninna marell lo i rajes, kai hi o pralstuno pral o Debleskre menshende.

Daniel 11:26

Kolla, hoi leha ap jek chapaskri beshdo hi un leskro chapen leha chan, kolla phagenn les. Un leskre tsele lurde nashenn penge, un bud lendar wenn maredo.

Daniel 11:7

An ko tsiro stell jek lakre menshendar pre un well rai pal leskro dadeste. Un job djal pre an o kurepen kol lurdentsa o rajestar pral o them Syria. Un well pash koleskro baro sorelo kheer un phagell an leste dren, un well o sorleder.

Daniel 11:9

Un kowa, ko baro rai pral o them Syria, perell dren an o them Egiptia, un palle djal lo pale an peskro them.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.