Daniel 10:6 - O Debleskro Drom 2021 (Sinte)

⁶ Un leskro betch un per his har ko kutch bar, hoi kharell Krisolit. Un leskro shero un mui dikas win har koi jag, hoi ap o bolepen pral un tele djal. Un leskre jaka his har jag. Un leskre mussja un herja his har lolo saster. Un leskro rakepen his, har te rakrans bud menshe.

O Debleskro Lab 2024 (Sinte-Manouche)

⁶ Oun leskro beč oun per his har ko kouč bar, hoy kharell Krisolit. Oun leskro shero oun mouy dikas vin har koy yag, hoy ap o bolepen pral oun tele djal. Oun leskre yaka his har yag. Oun leskre moussya oun herya his har lolo saster. Oun leskro rakepen his, har te rakrans boud menshe.

Daniel 10:6 ပူးပေါင်းရင်းမြစ်များ

2. Mose 28:20

Telstunes kol barra, hoi kharenna: Krisolit, Onyx un Jaspis. Tchip kol barra an sonakangre gustria.

Kamlepaskri gili 5:14

Leskre gushte hi har dran sonakai, Ap lende hi gustria kutch barrentsa. Job hi har i kutch figura dran elefantikro dand, shukar kerdo kutch blauete barrentsa.

Ezekiel 1:14

Kol bolepangre nashan sik jek rigjatar ap i wawar, te dikas kowa win, har te dell jag karje ap o bolepen.

Ezekiel 1:16

Kol rade dikan senelo win har i kutch senelo bar. Jek rada dikas win har koi wawar. Un jon his jaake kerdo, te djas jek rada an i wawar dren.

Ezekiel 1:24

Har djan le, dan lengre tchirklengre mussja jaake bari gole, har i sorele panja gole denn. Koi gole his har i gole o sorelo Deblestar, un har koi gole kote, kai bud menshe khetne hi, un har koi gole, hoi bud lurde denn, kai djan an o kurepen. Un te atchan i bolepangre tardo, palle mukan le pengre tchirklengre mussja tele te djal. Un me shunom i bari gole, hoi was dran o bolepen pral lende.

Ezekiel 1:7

Jon his tardo har menshe. Un lengre pire his har grumjengre pire. Kolla his har lolo saster, hoi an i jag thodo well.

Ezekiel 10:9

Un me dikom star rade tardo pash i bolepangre, pash hako bolepaskro his jek rada. Un kol rade dikan senelo win har i kutch senelo bar.

Ezekiel 40:3

Un job anas man kote, un dikom i murshes. Kowa dikas win har wals lo dran saster. An leskro wast his i laintikri dori un i kasht, koleha jek tele ginell, har bares tchomone hi. Un job his mashkral an o baro wudar tardo.

Ezekiel 8:2

Un me dikom jekes, kai win dikas har i mursh. Un leskro shero un leskro betch dikan win har o sonakai, kai o kham pre perell. Un o telstuno kotar, kowa hoi win dikas har leskre herja, his har jag.

Mateo 17:2

Un glan lengre jaka las lo i bolepaskro railepen. Leskro mui was har o kham. Un leskro ripen was bijalo har i bari momeli.

Mateo 28:3

Leskro mui chatchas har i soreli momeli. Un leskro ripen his parno har i gib.

Louka 9:29

Un har job rakras o Debleha, dikas peskro mui wawartchandes win, un leskre koola wan railes bijalo.

Debleskro tsiro 10:1

Un me dikom i wawar sorelo bolepaskres dran o bolepen tele te well. I wolka his trul leste har i ripen. Un i brishineskro bogo his ap leskro shero. Leskro mui his har o kham, un leskre herja har dran jag.

Debleskro tsiro 19:12

Leskre jaka hi har i jag. Un ap leskro shero hi bud sonakai bud kutch barrentsa. Glan ap leskro shero hi i lab tchinlo. Koles prindjrell kek har job kokres.

Debleskro tsiro 2:18

“Tchin kau liil ap o Debleskro budepaskro, kai dell jak ap i patslende an o foro Tiatira: Kawa penell o Debleskro tchawo, koles hi jaka har i jag, un herja har sonakai.

Debleskro tsiro 21:20

Un o pantchto hi i Sardonix, un o shobto hi i Karneol, un o eftato hi i Krisolit, un o ochtato hi i Berill, un o enjato hi i Topas, un o deshto hi i Krisopras, un o deesh-te-jekto hi i Hiazint, un o deesh-te-duito hi i Ametist.