Daniel 10:16 - O Debleskro Drom 2021 (Sinte)

¹⁶ Koi was ko jek, kai win dikas har i mensho, un tchiwas peskro gushto ap miro mui. Un me krom miro mui pre, un rakrom, un penom ap koleste, kai glan mande tardo his: “Miro rai, har dikom ko dikepen, tapras man sawi daar, te atchas kek soor an mande.

O Debleskro Lab 2024 (Sinte-Manouche)

¹⁶ Koy vas ko yek, kay vin dikas har i mensho, oun čivas peskro goushto ap miro mouy. Oun me krom miro mouy pre, oun rakrom, oun penom ap koleste, kay glan mande tardo his: “Miro ray, har dikom ko dikepen, tapras man savi daar, te ačas kek zoor an mande.

Daniel 10:16 ပူးပေါင်းရင်းမြစ်များ

2. Mose 4:10

Un o Mose penas ap o baro Debleste: “Miro Rai, me haiwau gar mishto te rakrell, ninna kanna kai rakreh mantsa, hi mange phares te rakrap.”

2. Mose 4:13

Koi penas o Mose: “Miro rai, mangau tut, bitche jek wawares!”

Sikepaskro 1:18

Kones bud goswepen hi, koleske djal ninna bud an o shero trujel. Koon bud djinell, koleske well ropaske pral kowa.

Jesaja 6:7

Un ko kasht, hoi chatchell, rikras lo ap miro mui, un penas: “Dik kawa was ap tiro mui, un jaake hunte djas tiri doosh tutar krik, un ko tchilatchepen, hoi tu kral, hi tutar krik lino.”

Jeremia 1:9

Un o baro Dewel tchiwas peskro wast ap miro mui, un penas ap mande: Dik, me tchiwau mire laba an tiro mui.

Ezekiel 1:26

Pral o bolepen, hoi pral lengre sherja his, his tchomone, hoi win dikas har i rajeskri beshepaskri dran kutch blaueto bar. Un ap koleste his jek beshdo, kowa dikas win dikas har i mensho.

Ezekiel 3:27

Ap ko tsiro kai rakrau pale tuha, krau me tiro mui pre. Un tu peness palle ap lende: Kawa penell o baro Dewel, maro rai … Koon kamell te shunell, kowa shunell ap tute. Koon kamell gar te shunell, kowa shunell gar ap tute. Jon hi menshe, kai mukenn pen tchi te penell.

Ezekiel 33:22

I rati glan kowa was o wast o baro Deblestar phares ap mande. Kanna ap koi tsalla, kai kowa pash mande was, kras o baro Dewel miro mui pre, jaake te nai rakrom pale.

Daniel 12:8

Un me shunom kowa un haiwom les gar. Un me penom: “Miro rai, har djal lauter win?”

Daniel 4:19

kowa hal tu, miro baro rai. Tu hal jaake baro un sorelo. Un tiri soor hi baro un djal bis pash o bolepen, un tu wal o rai pral i tseli phub.

Daniel 7:15

Mange o Danieleske, was miro ducho an mande pharo, un kowa hoi dikom, kras mange bari daar.

Daniel 7:28

Kawa hi, hoi me dikom. Mange, o Danieleske, kras kawa bari daar. Un me wom parno an o mui i trashatar, un rakrom kekeha pral kau koowa.

Daniel 8:15

Un me, o Daniel, kamoms te haiwell, hoi dikom an kau dikepen. Ap jek kopo his jek glan mande tardo, kowa dikas win har i mursh.

Daniel 8:17

Un o Gabrijel was pash mande, kai me tardo homs. Un i daar tapras man jaake soreles, te perom ap i phub. Job penas ap mande: “Tu mensho, de jak un shun! Kowa hoi dikal, kowa hi ko tsireske, kai o tsiro kai phubjake tele nashell.”

Daniel 8:18

Un har job jaake mantsa rakras, homs tchiddo har mulo ap miro mui ap i phub. Un job tapras man un tchiwas man pale ap mire herja, te homs pale tardo.

Daniel 8:27

Un man, o Danieles, his buder kek soor, un me homs diwessa nasselo. Un pal kowa stom pale pre, un krom miri budi pash o baro rajeste. Un ko dikepen, hoi dikom, kras mange daar un nai haiwom les gar.

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

Louka 1:64

Ap jek kopo nai rakras o Zachari pale, un sharas o Debles.

Louka 21:15

Me dau tumen ko goswepen, un penau tumenge, hoi tumer hunte penenn. Un palle djinenn le buder gar, hoi te penenn le.

Johanni 20:28

Koi penas o Thomas ap leste: “Miro rai un miro Dewel!”

Josua 5:14

Un job penas: “Kek kol dujendar! Me hom o pralstuno pral o baro Debleskre lurdende. Un kanna wom kai.” Kote peras o Josua ap peskro mui ap i phub, un mangas les an, un penas ap leste: “Me hom tiro budepaskro. Hoi penell miro rai ap mande, te krap?”

Debleskro tsiro 1:13

Un mashkral lende his jek tardo, hoi wi-dikas har i mensho. Les his i lengsto ripen ap leste, un i sonakaskri dori trul leskro betch.

Čačepangre 13:8

Kote mangas o Manoach o baro Debles un penas: “Miro rai, mangau tut, bitche gomme jek kopo ko Debleskro murshes pash mende, koles tu menge bitchral, te sikrell lo men, har mer ko tchaweha, kai boldo well, trujel hunte djas.”

Čačepangre 6:13

Un o Gideon putchas lestar: “Mangau tut, miro rai! Te hi o baro Dewel mentsa, hoske was kai tseli bibacht ap mende? Un kai hi ko tselo baro koowa, hoi o baro Dewel kras, kolestar menge mare phure rakran un penan: ‘O baro Dewel anas men dran o them Egiptia.’ Kanna mukas men o baro Dewel un das men an o wast kolendar dran o them Midian.”

Čačepangre 6:15

Job penas ap leste: “Mangau tut miro rai: Har lap me nai o Israel dran o Midianeskro wast win? Miri familja hi i tikneder an o tselo kheer Manasse. Un me hom o tikneder an miro dadeskro kheer.”