Daniel 10:13 - O Debleskro Drom 2021 (Sinte)

¹³ Un o bolepaskro, kai rai hi pral o them Persia tchiwas pes mange an o drom 21 (biish-te-jek) diwessa. Un jek kol glanstunendar mank i bolepangre, o Michael, was ap miri rig, har homs kote pash i rajende pral o them Persia.

O Debleskro Lab 2024 (Sinte-Manouche)

¹³ Oun o bolepaskro, kay ray hi pral o them Persia čivas pes mange an o drom 21 (biish-te-yek) divessa. Oun yek kol glanstunendar mank i bolepangre, o Mikael, vas ap miri rig, har homs kote pash i rayende pral o them Persia.

Daniel 10:13 ပူးပေါင်းရင်းမြစ်များ

Esra 4:24

Kote atchas i budi ap o Debleskro kheer an o foro Jerusalem tardo. Un kowa atchas jaake bis o rai Darius an o duito bersh o baro rai his pral o them Persia.

Daniel 12:1

Un an ko tsiro stell o bolepaskro Michael pre, kowa, kai ap i rig tire menshendar hi. Ko tsiro hi jaake pharo, har das kek wawar glan kowa, jaake rah har menshe koi hi. Un an ko tsiro wenn tire menshe wi-lino dran i bari bibacht, lauter kolla, kai an o Debleskro liil dren tchinlo hi.

Efesarja 6:12

Mer kurah men gar i menshentsa. Na-a, tchilatche sorja hi mashkral o bolepen un i phub, kai wenna o bengestar. Kolen hi penepaske an kau tchilatcho tsiro. Kolentsa kurah men.

1. Tessalonikarja 2:18

Me, o Paulo, kamom budeder kope pash tumende te well. Un o beng was hako kopo koi mashkral.

Judas 1:9

O Debleskro baro bolepaskro, leskro lab hi Michael, las peske gar win, te praassell lo o benges, har job tchingras pes o bengeha, koon lendar lals o mulo Moses. Job penas leske kokres: “O Dewel, maro rai, dell tut i phagi!”

Debleskro tsiro 12:7

Un an o bolepen was i baro kurepen: O Michael un leskre bolepangre kuran pen o baro lolo sapeha un leskre kurepangre.