Čačepangre 9:5 - O Debleskro Drom 2021 (Sinte)

⁵ Un lentsa djas lo an peskro dadeskro kheer an o foro Ofra, un das peskre phralen temerl. Kol efta-deesh mursh tchawen leskro dadestar Gideon das lo ap jek baro bar temerl. Kokres o Jotam atchas pral, o terneder tchawo o Gideonestar. Kowa khatras pes.

O Debleskro Lab 2024 (Sinte-Manouche)

⁵ Oun lentsa djas lo an peskro dadeskro kheer an o foro Ofra, oun das peskre phralen temerl. Kol efta-deesh morsh čaven leskro dadestar Gideon das lo ap yek baro bar temerl. Kokres o Yotam ačas pral, o terneder čavo o Gideonestar. Kova khatras pes.

Čačepangre 9:5 ပူးပေါင်းရင်းမြစ်များ

1. Rajengro liil 1:12

Kanna, shun, hoi tuke penau, te nai rikress tu tiro djipen un o djipen tiro tchawestar Salomo.

1. Rajengro liil 1:21

Te kreh tu kowa gar, un ko tsiro well, kai hal buder gar djido, palle hom me un miro tchawo, o Salomo, an lengre jaka phukepangre.”

2. Rajengro liil 10:17

Har job an Samaria was, das job mulo lauteren, kai atchan pral o Ahabeskre menshendar an Samaria. Kek lendar atchas djido. Lauter was jaake har o baro Dewel kowa ap o Elija penas.

2. Rajengro liil 10:7

Har kanna ko liil pash kolende was, lan jon o baro rajeskre efta-deesh tchawen, maran len un tchiwan lengre sherja an korbe un bitchran len pash o Jehu an Jesreel.

2. Rajengro liil 11:3

Un job his pash i Josheba khatedo an o baro Debleskro kheer shob bersha. An ko tsiro his i Atalja i rani pral o them.

2. Familjakro liil 21:4

Un har o Joram o baro rai was pal peskro dadeste, un les bud penepaske his, kote maras lo peskre tsele phralen o chareha, un ninna i pralstunendar pral Israel.

Mateo 2:16

I gosewe mursha djan ap i wawar drom an pengro them, un wan gar pash o Herodeste pale. Har job kowa haiwas, was i bari choli ap leste. Un job bitchras lurden an o foro Betlehem un an i gaba trujel, te marenn le kol tsele mursh tchawen, kai dui bersha un terneder hi. Kol dui bersha his ko tsiro, kai i gosewe mursha leske penan, te was o tchawo boldo bis ko diwes.

Mateo 2:20

un penas ap leste: “Ste pre! Le o tchawes un leskri dat, un dja pale an o them Israel! Kolla hi mulo, kai kaman o tchawes te marell.”

Čačepangre 6:11

Un ko baro Debleskro bolepaskro was, un beshas pes tel ko baro ruk, hoi pash i platsa his, hoi kharella Ofra. Koi platsa his o Joashes dran i familja Abijeser. Un leskro tchawo Gideon his an ko kashteskro, hoi kerdo his, te krenn le mool dran i drake. Un kote das lo khatemen o djob win, te nai taprenn i Midianarja gar ko djob ninna.

Čačepangre 6:24

Un o Gideon tchiwas kote barra pre, te krell lo i chatchepaskri, kai wenn vieche chatchedo o baro Debleske, un das lat o lab Jahwe-Shalom. Gomme kau diwes hi koi chatchepaskri kote tardo an o foro Ofra, kai kol menshe djiwenn, kai kharenna Abijesarja.

Čačepangre 8:30

Un o Gideones his bud romja un 70 (efta-deesh) mursh tchawe, hoi lestar his.

Čačepangre 9:18

Tumer hadan tumen kau diwes pral miro dadeskro kheer, un dan leskre tchawen temerl. Efta-deesh murshen dan ap jek baro bar temerl. Un tchiwan tumaro phrales, o Abimeleches, pral tumende, te well lo o rai pral o foro Sichem. Un leskri dai hi miro dadeskro budepaskretsa.

Čačepangre 9:2

“Penenn ap i tsele murshende an o foro Sichem: ‘Hoi kamenn tumer? Hi feteder tumenge, te hi efta-deesh mursha raja pral tumende, kol tsele tchawe o Gideonestar? Hi gar feteder, te hi jek mursh rai pral tumende? Un ma bistrenn, te hom me tumaro rat un mass.’”

Čačepangre 9:6

Un i tikno tsiro koi pal wan i tsele mursha dran o foro Sichem khetne, ninna lauter, hoi an o baro sorelo kheer djiwan. Khetne djan le glan o foro Sichem pash ko baro ruk, hoi pash o baro bar tardo hi. Kote tchiwan le o Abimeleches pral pende, te well lo lengro baro rai.