Čačepangre 8:5 - O Debleskro Drom 2021 (Sinte)

⁵ Un job penas ap kol murshende an o foro Sukkot: “Denn kol lurden, hoi pash mande hi, maro te chal! Jon hi khino. Mer lah kol bare rajen pral o Midian palla: o Sebach un o Zalmunna.”

O Debleskro Lab 2024 (Sinte-Manouche)

⁵ Oun yob penas ap kol morshende an o foro Soukot: “Denn kol lourden, hoy pash mande hi, maro te rhal! Yon hi khino. Mer lah kol bare rayen pral o Midian palla: o Zeba oun o Zalmunna.”

Čačepangre 8:5 ပူးပေါင်းရင်းမြစ်များ

1. Mose 14:18

Un o Melchisedek, ko rai pral o foro Salem, anas lenge maro un mool dran o foro. Job his i rashai ko Deblestar, kai hi o Dewel pral halauter.

1. Mose 33:17

Un o Jakob djas dureder an Sukkot, kras peske i kheer un khera i viechenge. Doleske das lo koi platsa ko lab Sukkot.

Debleskri gili 60:6

Kolen, kai tuha djiwenna un ap tute shunenna, sikral, har te nai nashenn le penge glan i lurdende.

5. Mose 23:4

Kek Ammonari un kek Moabari well kote tumentsa khetne, kai o baro Debleskre menshe khetne wenn, jaake rah har deesh familje jek pal i wawar djiwenna. An kek tsiro nai wenn le kote.

Čačepangre 5:23

Praassenn o foro Meros, penas o baro Debleskro bolepaskro. Praassenn kolen, hoi an ko foro djiwenn! Awa, praassenn len! Jon wan gar ap o baro Debleskri rig, un djan gar an o kurepen khetne kol tchatche murshentsa.

Čačepangre 8:10

Un o Sebach un o Zalmunna his an o them Karkor. Un 15.000 (deesh-te-pantch-serja) lurde his pash lende, lauter kolla, kai pral atchan kol tsele lurdendar, kai dran o them wan, kai o kham pre djal. Kol wawar mursha, kai nai kuran pen o chareha, wan temerl dino. Kolla his 120.000 (sheel-te-biish-serja) mursha.

Čačepangre 8:12

Un kol dui bare raja pral o Midian, o Sebach un o Zalmunna, nashan penge. Un job las len palla, un tapras len. Un lengre tsele lurde tapran i bari daar lestar!

Čačepangre 8:15

Un o Gideon djas pash kol murshende an o foro Sukkot un penas ap lende: “Dikenn kai, kate hi o Sebach un o Zalmunna, kolentsa tumer man praassan, har tumer penan: ‘O Sebach un o Zalmunna hi gomme gar an tire wasta! Hoske das mer tire khine lurden te chal?’”

1. Samuel 25:18

Kote djas i Abigajil sik un las 200 (dui-sheel) mare, un dui moljakre gone pherdi mool, pantch pekle bakre un jek gono pherdo peklo djob, jek sheel tikne gone pherde drake, hoi truk kerdo wan, ninna 200 (dui-sheel) faigetikre merklia. Un kowa lauter mukas li ap burike te tchiwell.