Čačepangre 8:30 - O Debleskro Drom 2021 (Sinte)

³⁰ Un o Gideones his bud romja un 70 (efta-deesh) mursh tchawe, hoi lestar his.

O Debleskro Lab 2024 (Sinte-Manouche)

³⁰ Oun o Gideones his boud romya oun 70 (efta-deesh) morsh čave, hoy lestar his.

Čačepangre 8:30 ပူးပေါင်းရင်းမြစ်များ

1. Mose 2:24

Doleske mukella i rom peskro dades un peskri dat un djala peskri romjah. Un jon wenna jek.

1. Mose 46:26

I tsele tchawe un tchawengre tchawe o Jakobestar, kai leha an o them Egiptia djan, his 66 (shob-deesh-te-shob). Koi pashel wenna leskre tchawengre romja.

1. Mose 7:7

Un o Noah djas an o panjeskro kheer. Khetne leha djan leskre tchawe, leskri romni un leskre tchawengre romja, te tassenn le gar.

1. Rajengro liil 11:3

Un les his 700 (efta-sheel) romja, kai wan dran rajengre khera, un 300 (triin-sheel) wawar djuwja. Un leskre djuwja rissran leskro dji.

2. Rajengro liil 10:1

An o foro Samaria djiwan efta-deesh tchawe o Ahabestar. Un o Jehu tchinas lila un bitchras len ap kol pralstunende an ko foro Jesreel: ap kol phurende un ap kolende, kai tserdan o Ahabeskre tchawen pre. An ko liil hi dren tardo:

2. Mose 1:5

Khetne pengre tchawentsa un tchawengre tchawentsa his le 70 (efta-deesh). O Josef his glan lende an o them Egiptia.

Maleachi 2:15

Kek krals sau koowa, te wals i tikno kotar fun miro ducho an leste. Job kamals tchawe te lell, kai o Debleske koi hi. Doleske denn jak an tumare djia, te chochell un mukell kek tumendar peskri romjat!

5. Mose 17:17

Witar gar hunte lell peske tumaro baro rai bud djuwjen, te well leskro dji gar tele anlo o tchatcho dromestar. Ninna lell lo peske gar bud rup un sonakai khetne.

Čačepangre 10:4

Un koles his trijanda mursh tchawe, kai ap trijanda burike klissan. Un len his trijanda forja. Kolla his an o them Gilead un kharenn gomme kau diwes: Jaireskre forja.

Čačepangre 12:14

Un koles his star-desha mursh tchawe un trijanda tchawengre tchawe. Un kolla klissan ap 70 (efta-desha) burike. Un job kras o tchatchepen pral o Israel ochta bersha win.

Čačepangre 12:9

Un koles his trijanda mursh tchawe un trijanda tcha. Peskre tchen das lo romende, kai gar leskre menshendar his. Un leskre mursh tchawenge las lo trijanda romjen, kai ninna gar leskre menshendar his. Un efta bersha his job o tchatchepaskro rai pral Israel.

Čačepangre 8:31

Un les his ninna i wawar djuwel, kai djiwas an o foro Sichem. Un joi las lestar i mursh tchawo. Un o Gideon das les o lab Abimelech.

Čačepangre 9:1

Un o Abimelech, o Gideoneskro tchawo, djas an o foro Sichem pash i phralende peskri datar, un rakras lakre tsele menshentsa un penas:

Čačepangre 9:18

Tumer hadan tumen kau diwes pral miro dadeskro kheer, un dan leskre tchawen temerl. Efta-deesh murshen dan ap jek baro bar temerl. Un tchiwan tumaro phrales, o Abimeleches, pral tumende, te well lo o rai pral o foro Sichem. Un leskri dai hi miro dadeskro budepaskretsa.

Čačepangre 9:2

“Penenn ap i tsele murshende an o foro Sichem: ‘Hoi kamenn tumer? Hi feteder tumenge, te hi efta-deesh mursha raja pral tumende, kol tsele tchawe o Gideonestar? Hi gar feteder, te hi jek mursh rai pral tumende? Un ma bistrenn, te hom me tumaro rat un mass.’”

Čačepangre 9:5

Un lentsa djas lo an peskro dadeskro kheer an o foro Ofra, un das peskre phralen temerl. Kol efta-deesh mursh tchawen leskro dadestar Gideon das lo ap jek baro bar temerl. Kokres o Jotam atchas pral, o terneder tchawo o Gideonestar. Kowa khatras pes.