Čačepangre 7:9 - O Debleskro Drom 2021 (Sinte)

⁹ Un an koi rat penas o baro Dewel ap o Gideon: “Ste pre, un dja tele kote, kai i Midianarja tchiddo hi! Me dom len an tiro wast.

O Debleskro Lab 2024 (Sinte-Manouche)

⁹ Oun an koy rat penas o baro Devel ap o Gideon: “Ste pre, oun dja tele kote, kay i Midianarya čiddo hi! Me dom len an tiro vast.

Čačepangre 7:9 ပူးပေါင်းရင်းမြစ်များ

2. Familjakro liil 20:17

Gar tumer hunte kurenn tumen kote. Atchenn glan lende tardo! Atchenn kote un dikenn, har me, o baro Dewel, tumen dran lengro wast win lau. Me hom pash tumende, tumer menshe dran Juda un Jerusalem. Ma darenn! Trashenn tchi! Taissar djan pash lende! O baro Dewel hi tumentsa.”

Hiob 4:13

Rati, har sowom soreles dom djungeles suni.

Mateo 1:20

Har leske kowa an o shero trujel djas, was o Debleskro bolepaskro pash leste an i suni, un penas: “Josef, tu Davideskro tchawo, ma traash, te less i Mariat pash tute, te romedineress lat! O ternepen was dran o Debleskro Ducho an late.

Mateo 2:13

Un har jon penge djan, was o Debleskro bolepaskro pash o Josefeste an i suni, un penas ap leste: “Ste pre! Le o ternepas un leskri dat, un naash an o them Egiptia! O Herodes mukell o ternepas te rodell, te marell lo les. Atch koi, bis te penau me les tuke, te wess pale!”

Bičepangre 27:23

Kai rat was i bolepaskro pash mande. Koles bitchras miro Dewel, koleske budrau.

Josua 10:8

Un o baro Dewel penas ap o Josua: “Ma traash lendar! An tiro wast dom me len. Kek mursh lendar nai atchell glan tute tardo.”

Josua 11:6

Kote penas o baro Dewel ap o Josua: “Ma dare gar lendar! Taissar kau tsireske dan tumer len halauter mulo. Un kowa krau me tumenge. Palle tchinenn lengre grajen an i herja jaake te nai nashenn le buder gar! Un lengre wurdja chatchrenn pre!”

Josua 2:24

Un jon penan ap o Josua: “O baro Dewel das o tselo them an maro wast. Ninna halauter kolla, kai koi djiwenn, hi har bango darjatar glan mende.”

Čačepangre 3:10

Un o baro Debleskro ducho was pral leste, un job was o tchatchepaskro rai pral i Israelitarja. Un job djas win an o kurepen. Un o baro Dewel das o baro rajes pral o them Mesopotamia an leskro wast. Koleskro lab his Kushan-Rishatajim. Un o Otnijel was sorleder har job.

Čačepangre 3:28

un das gole: “Sik, awenn mange palla! O baro Dewel das i Moabarja, kai tumen tele rikrenn, an tumaro wast.” Un koi nashan le tele, leske palla pash o pani Jordan, un dan garda ap kol platse, kai i menshe ap i wawar rig djan, un mukan kekes wergel.

Čačepangre 7:10

Un te dareh tu tele te djal, palle le tiro budepaskres, o Pura, peha, te djal lo tuha tele.

Čačepangre 7:8

Un jon lan kolendar, kai khere djan, lengro chapen un pipen un lengre phurdepangre pash pende. Un jaake bitchras o Gideon i tsele lurden pale pale pash pengre plachtene khera. Kokres kol triin-sheel rikras lo pash peste. Un kol tsele lurde dran o them Midian his tella glan leste an o telstuno them.

1. Samuel 14:8

Un o Jonatan penas: “Dik, mer djah jaake wergel, te dikenn men kol mursha ap i wawar rig.

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”