Čačepangre 7:7 - O Debleskro Drom 2021 (Sinte)

⁷ Un o baro Dewel penas ap o Gideon: “Kol triin-shelentsa, kai o pani pengre tchipjentsa pijan, kamau me i Midianarja an tiro wast te dell, un o Israel dran lengre wasta win te lell. Kol wawar lurden muk khere te djal!”

O Debleskro Lab 2024 (Sinte-Manouche)

⁷ Oun o baro Devel penas ap o Gideon: “Kol triin-shelentsa, kay o pani pengre čipyentsa piyan, kamau me i Midianarya an tiro vast te dell, oun o Israel dran lengre vasta vin te lell. Kol vavar lourden mouk khere te djal!”

Čačepangre 7:7 ပူးပေါင်းရင်းမြစ်များ

Čačepangre 7:6

Un kolla, kai pijan pengri tchipjah har i djuklo, his 300 (triin-sheel) mursha. Un kol wawar djan tele ap pengre tchanga un anan o pani pengre wastentsa pash o mui.

Čačepangre 7:8

Un jon lan kolendar, kai khere djan, lengro chapen un pipen un lengre phurdepangre pash pende. Un jaake bitchras o Gideon i tsele lurden pale pale pash pengre plachtene khera. Kokres kol triin-sheel rikras lo pash peste. Un kol tsele lurde dran o them Midian his tella glan leste an o telstuno them.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”

1. Samuel 23:4

Kote putchas o David gomme i duito kopo o baro Debles, un o baro Dewel penas: “Ste pre un dja an Kehila! Me kamau tumen i Filistarjen an tumaro wast te dell!”