Čačepangre 7:23 - O Debleskro Drom 2021 (Sinte)

²³ Un i mursha an o them Israel wan khetne gole dino: dran o kheer Naftali, dran o kheer Asser, un dran o tselo kheer Manasse. Un jon lan i Midianarja palla.

O Debleskro Lab 2024 (Sinte-Manouche)

²³ Oun i morsha an o them Israel van khetne gole dino: dran o kheer Naftali, dran o kheer Asser, oun dran o tselo kheer Manasse. Oun yon lan i Midianarya palla.

Čačepangre 7:23 ပူးပေါင်းရင်းမြစ်များ

1. Mose 36:35

Har o Husham meras, was o Hadad o baro rai. Leskro dad his o Bedad. Kowa kuras pes i Midianarja an o them Moab un das len. Un ko lab o forestar, kai o Hadad djiwas, his Awit.

1. Rajengro liil 20:20

koi maran le hakenes, kai tchiwas pes lenge an o drom. Un i Syrarja nashan penge, un i Israelitarja nashan lenge palla. Un o Ben-Hadad, ko baro rai pral Syria, nashas peske ap i grai, un leskre kurepangre wurdja khetne leha.

1. Rajengro liil 20:21

Un o Ahab, ko baro rai dran Israel, djas win un kuras pes i kurepangre wurdjentsa, un das i Syrarja an i baro marepen.

3. Mose 26:7

Tumer lenn kolenge palla, kai kamenn pen tumentsa te kurell, un tumer denn len o chareha mulo.

Čačepangre 6:35

Un job bitchras murshen an o tselo them Manasse, un mukas lenge te penell, te wenn le leske palla. Ninna bitchras lo murshen an o them Asser un Sebulon un Naftali. Un kolla lauter wan pash leste.