Čačepangre 7:20 - O Debleskro Drom 2021 (Sinte)

²⁰ Kanna phurdan kol triin-sheel lurde an pengre phurdepangre, un dan pengre khore paash. Un jon rikran pengro serwo wasteha o kasht, hoi chatchell, un pengro tchatcho wasteha pengri phurdepaskri, te phurdenn le dren, un dan gole: “Kuras men o baro Debleske un o Gideoneske!”

O Debleskro Lab 2024 (Sinte-Manouche)

²⁰ Kanna phourdan kol triin-sheel lourde an pengre phourdepangre, oun dan pengre khore paash. Oun yon rikran pengro servo vasteha o kasht, hoy rhačell, oun pengro čačo vasteha pengri phourdepaskri, te phourdenn le dren, oun dan gole: “Kouras men o baro Debleske oun o Gideoneske!”

Čačepangre 7:20 ပူးပေါင်းရင်းမြစ်များ

Jesaja 27:13

Un ap ko diwes well an i bari phurdepaskri phurdedo. Un i Israelitarja, kai his nashedo an o them Assur, un kai his win tradedo an o them Egiptia, kolla lauter wenna un mangenn o baro Debles an ap o Debleskri berga an o foro Jerusalem.

Jeremia 47:6

Tu, o baro Debleskro charo, kaana kameh tu pre te herell? Muk tele un dja pale an tiri possita, un atch pokones!

1. Korintarja 15:52

Kowa well ap jek kopo, jaake sik, har kek nai dikella. Ap ko tsiro shunah mer i bashepaskri, kai jek dren phurdell. Te shunah mer koi bashepaskri, stenn i mule pre, un wenn djido. Un mer, kai gomme djiwah, wah win lino dran kowa, hoi mer kanna ham, un wawartchandes kerdo.

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.

1. Tessalonikarja 4:16

Ap ko diwes, kai well maro rai Jesus tele dran o bolepen, shunah, har jek gole della. O Debleskro pralstuno bolepaskro dell bari gole, un jek phurdell an o Debleskri bashepaskri. Palle stenn kol mule pre, kai patsan ap o Jesus Kristeste.

Hebrearja 11:4

An o phuro tsiro patsas o Abel ap o Debleste, un maras leske i viecho. Har dikas o Dewel, hoi o Abel leske anas, dikas lo latches ap kowa. Jaake was o Abel an o tchatchepen tardo glan leste. Kowa, hoi leskro phraal, o Kain, o Debleske anas, kowa his gar jaake latcho glan o Debleskre jaka har kowa, hoi o Abel leske anas. Ninna te meras o Abel, sikrell men leskro djipen gomme kau diwes leskro patsepen.

Josua 6:16

Un har le o eftato kopo trujel djan, un i rashaja an i phurdepangre phurdan, koi penas o Josua i murshenge: “Kanna denn i kurepaskri gole! O baro Dewel das tumen kau foro.

Josua 6:20

Koi phurdan i rashaja an i phurdepangre. Un har i mursha i phurdepangre shunan, dan le i kurepaskri gole. Koi peran i pre-tchidde barra trul o foro an pende khetne. Un i tsele lurde djan haki rigjatar pre an o foro. Jaake lan le o foro dren.

Josua 6:4

Un efta rashaja hunte hidjrenn efta phurdepangre un djan glan o mochton, kai o Debleskre deesh laba dren hi. Ap o eftato diwes djan tumer efta kope trul o foro trujel. Un i rashaja phurdenn koi pashel an pengre phurdepangre.

2. Petro 1:15

Doleske tchinau me lauter pre, te bistrenn gar, hoi me tumenge penom.

Čačepangre 7:19

Un o Gideon un kol sheel mursha, kai leha djan, wan pash koi platsa mashkral an i rat. Un o Gideon un kol mursha trul leste phurdan an i phurdepangre, un dan kol khore paash, hoi an lengre wasta hi.

Čačepangre 7:21

Un jon atchan kote tardo, kai le his, trul koi tseli platsa trujel. Un kol tsele Midiantikre lurde nashan har diwjes ap koi platsa trujel, dan bari gole un kaman te nashenn penge.

1. Samuel 11:11

Sik taissarlakro mukas o Saul peskre lurden jaake khetne tardo te well, te his hako kopo i triinto kotar khetne tardo. Jaake djan le triin rigjendar ap i platsa, kai i Ammonarja hi. Kowa his gomme glan o tsiro, kai o kham pre djas. Un jon maran i Ammonarja bis mashkral o diwes. Un kolla, kai djides atchan, nashan penge, jaake te atchan gar dui lendar khetne.