Čačepangre 7:2 - O Debleskro Drom 2021 (Sinte)

² Un o baro Dewel penas ap o Gideon: “Tut hi bud lurde, hoi pash tute hi. Jaake nai dau i Midianarja gar an tumare wasta. O Israel nai sharals pes un nai penals: ‘Mare wasta his, hoi men win lan!’

O Debleskro Lab 2024 (Sinte-Manouche)

² Oun o baro Devel penas ap o Gideon: “Tout hi boud lourde, hoy pash toute hi. Yaake nay dau i Midianarya gar an t'mare vasta. O Israel nay sharals pes oun nay penals: Mare vasta his, hoy men vin lan!

Čačepangre 7:2 ပူးပေါင်းရင်းမြစ်များ

1. Mose 46:2

I rati rakras o Dewel leha an i suni un penas ap leste: “Jakob, Jakob!” Un job penas: “Ake hom.”

2. Familjakro liil 14:11

Un o baro Dewel das i Kusharja glan o Asa un i menshende dran Juda jaake, kai jon nashan penge an i daar.

Jesaja 10:13

Kowa penas: I sorjah mire wastendar krom kowa lauter, un miro goswepah. Tchatchepah, man hi bud goswepen. Me lom wawar themma dren, un random lengro brawlepen, un har i diwjo gurum stakrom kolen khetne, kai koi djiwan.

Jesaja 2:11

Hakeno, kai dikell tele ap o wawareste, hunte dikell tele glan peste i ladjatar. Un i pre-phurde menshe wenn phagedo. Ap ko diwes hi kokres o baro Dewel baro.

Jesaja 2:17

Palle well lenge kowa krik lino, koleha i menshe phurdan pen pre. Un lengro sharepen atchell gar. Ap ko diwes hi kokres o baro Dewel o Dewel pral halauter.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Ezekiel 28:17

Tiro shukapen kras tut pre-phurdo. Un har brawelo un railo wal, kral sawo koowa, hoi gar gosewo hi. Doleske witsrom tut ap i phub, un mukom i wawar bare rajen ap tute tele te dikell, te wess lenge sapaske.

Ezekiel 28:2

Tu mensho, pen ap o rajeste pral o foro Tirus: Kawa penell o baro Dewel, maro rai: Tiro dji hadas pes un penas: “Me hom i dewel! Un hom beshdo ap i debleskri beshepaskri mashkral dren an baro pani!” Ninna te kreh, har te wals i dewel, hal tchi har i mensho!

Daniel 4:30

Un gomme an ko tsiro, har lo koi pral tardo his, was kau lab tchatcho. Un job was pale-tchiddo un djiwas buder gar mank i menshende. Un job chas khass har i grumja. Un job tchiwas pes win tele. Un o brishin peras ap leste tele un kras les sapeno. Leskre balla wan jaake lengsto har i phora bare tchirklendar, un leskre naja bango har i tchirklengre tsebe.

Habakuk 1:16

Lengre matchengre gone un lengre netse hi lenge har debla. Lenge chatchrenn le viechen un sungepaskro koowa, te parkrenn len pen, kai jon lenge jaake bud brawlepen un latcho chapen anan.

Zakarie 12:7

O baro Dewel krell, te wenn glanstunes i lurde dran o them Juda i sorleder pral kolende, kai kurenn pen lentsa. Kowa krell lo jaake, te sharenn pen gar o Davideskre menshe un i wawar menshe an o foro Jerusalem, un dikenn tele ap i menshende an o them Juda.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

4. Mose 31:4

Lenn jek sero murshen dran hakeneste kol deesh-te-dui bare familjendar, hoi wenn o Jakobeskre tchawendar, un bitchrenn len an o kurepen.” Un jaake kran le, un 12.000 (deesh-te-dui-serja) mursha wan khetne kurepaske.

Remarja 11:18

Dran kowa penau tumenge: Ma sharenn tumen pral kol kashta, hoi tele tchinlo wan. Tumer hidjrenn gar o djeteskro ruk. Na-a. O djeteskro ruk hidjrell tumen.

Remarja 3:27

Koon nai sharell pes kanna? Kowa, kai rikras pes ap kol laba, hoi penenna, har te djiwas mer? Na-a, les hi tchi, te sharell lo pes. Kowa hi tchatcho glan o Debleste, kai ap o Jesus Kristeste patsella.

2. Korintarja 4:7

O latcho lab o Jesus Kristestar hi i baro brawlepen, hoi mer hidjrah an mende. Mer kokres ham har tchare, hoi tchi moldo hi, jaake te dikell hakeno, koi bari soor well o Deblestar, un gar mendar.

Efesarja 2:9

Kowa kras lo gar doleske, kai tumer latcho koowa kran. Jaake sharell nai pes kek mensho glan o Debleste.

5. Mose 8:17

Un tumer te nai penenn gar an tumare djia: Miri soor un mire wastengri budi anas mange kau tselo brawlepen!

5. Mose 8:18

Doleske ma bistrenn tumaro baro Debles! Job hi kowa, kai tut i soor das, te nai lenn tumenge brawlepen khetne. Un jaake rikrell job kowa, hoi lo tumare phurentsa win kras. Ninna kau diwes rikrell lo pes ap kowa.

Jakobo 4:6

Un ninna budeder latchepen kamell men o Dewel te dell. An o Debleskro lab hi tchinlo: Kolla, kai krenn pen bares, kolen bitchrell job pestar. Un kolen, kai krenn pen gar bares, kolen dell job bud latchepen.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”