Čačepangre 7:1 - O Debleskro Drom 2021 (Sinte)

¹ Un sik taissarlakro djas o Gideon, kai kharell ninna Jerub-Baal, peskre tsele lurdentsa, hoi pash leste hi, pash o pani, hoi kharella Harod. Un kote tchiwan le pengre plachtene khera pre. Jaake his i lurde dran o them Midian serwes lendar pash koi tikni berga More an o telstuno them.

O Debleskro Lab 2024 (Sinte-Manouche)

¹ Oun sik taysarlakro djas o Gideon, kay kharell ninna Yeroub-Baal, peskre tsele lourdentsa, hoy pash leste hi, pash o pani, hoy kharella Harod. Oun kote čivan le pengre plarhtene khera pre. Yaake his i lourde dran o them Midian serves lendar pash koy tikni berga More an o telstouno them.

Čačepangre 7:1 ပူးပေါင်းရင်းမြစ်များ

1. Mose 12:6

Un job djas dureder an o them un was an o foro Sichem pash ko baro ruk ‘More’. An ko tsiro djiwan i Kanaanitarja an ko them.

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

2. Samuel 23:25

O Shamma un o Elika dran Harod.

Debleskri gili 83:9

Ninna o Assur tchiwas pes ap lengri rig. Jon wan jek mussi i menshentsa, kai wenna pal o Lot.

Sikepaskro 9:10

Halauter, hoi tuke glan o wast well, te kress, kowa kre o tselo djijestar! Pash i mulende, kai tu ninna hunte djas, kote well buder tchi kerdo. Un kek krell peske kote i shero, hoi nai krell lo, har nai djinell lo tchomone, un har nai well lo gosewo.

5. Mose 11:30

Kolla hi kol dui berge ap i wawar rig o panjestar Jordan pash ko drom, hoi djal kote, kai o kham tele djal, an o telstuno them, kai o Jordan nashell un kai i Kanaanitarja djiwenn. Kol berge hi gar dur kol bare rukendar pash Gilgal.

Josua 3:1

Un o wawar diwes stas o Josua un i tsele Israelitarja sik pre, mukan i platsa Shittim pal pende, djan dureder un wan pash o pani Jordan. Kote atchan le i tikno tsiro, bis te nai djan le wergel.

Josua 6:12

Un sik taissarlakro stas o Josua pre un i rashaja hidjran pale o mochton, kai o baro Debleskre deesh laba dren his.

Čačepangre 6:32

Ap ko diwes dan le o Gideones o lab Jerub-Baal. Kowa kharella: “Te kurell pes o Baal leha!” O Gideon das leskri chatchepaskri paash.

Čačepangre 6:33

Un i tsele Midianarja un i tsele Amalekarja un kolla, kai wan kotar, kai o kham pre djala, wan khetne un djan wergel o pani Jordan un tchiwan pengre plachtene khera pre an o telstuno them Jesreel.

Čačepangre 6:40

Un o Dewel kras an koi rat jaake, te was kek pani ap o bakrengro bal, un i tseli phub trujel his sapeno.

Čačepangre 8:29

Un o Gideon, kai kharas ninna Jerub-Baal, koleskro dad o Joash his, djas pale an peskro kheer un djiwas kote o tselo tsiro.

1. Samuel 12:11

Kote bitchras o baro Dewel o Jerub-Baal, o Bedan, o Jefta un o Samuel, un las tumen win dran i wasta kolendar, kai tumen tele rikran, jaake te nai djiwan kek darjah.

1. Samuel 29:1

I Filistarja lan pengre lurden khetne pash o foro Afek. Un o Israelengre lurde tchiwan pengre plachtene khera pre pash o tikno lengsto pani glan o foro Jesreel.