Čačepangre 6:3 - O Debleskro Drom 2021 (Sinte)3 Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren. အခန်းကိုကြည့်ပါ။O Debleskro Lab 2024 (Sinte-Manouche)3 Oun hako kopo, kay vitsran i Israelitarya o djob an i phoub, palle van i Midianarya oun i Amalekarya oun vavar menshe kotar, kay o kham pre djala, oun peran an o them dren. အခန်းကိုကြည့်ပါ။ |
Ninna his les bud vieche: 7.000 (efta-serja) bakre un 3.000 (triin-serja) khamele, un jek serja grumja, kolendar hako kopo dui khetne budran, un 500 (pantch-sheel) djuwelkane burike. Un les his bud bud budepangre. Kek mensho his brawleder har o Hiob an ko them, hoi hi kote tchiddo, kai o kham pral djal.
Pen lenge: Shunenn, hoi o baro Dewel, maro rai, tumenge penell! Kawa penell o baro Dewel, maro rai: Tumer san pral miro kheer, un penenn: Haha, har pale-tchiddo hi lo! Un pral o them Israel san tumer, un penenn: I mulo them was kowa! Ninna pral o kheer Juda san tumer, un penenn: An o pandepen anlo wan le.
Jon anan pengre viechen un plachtene khera peha un his jaake bud har i stepangre. Kek djinas, har bud jon un lengre khamele hi, jaake bud his le. Un jon beshan pen ap o Israeleskro them un chan lauter pre, hoi kote bares was. An o tselo them bis pash o foro Gaza atchas kek chapen pral, witar kek bakre, grumja un burike. Jaake kran le o them paash.
Un o Sebach un o Zalmunna his an o them Karkor. Un 15.000 (deesh-te-pantch-serja) lurde his pash lende, lauter kolla, kai pral atchan kol tsele lurdendar, kai dran o them wan, kai o kham pre djal. Kol wawar mursha, kai nai kuran pen o chareha, wan temerl dino. Kolla his 120.000 (sheel-te-biish-serja) mursha.